Kamachiy killkak Dora Aguirre, chay Europa, Asia, Oceanía shutipi, Chimborazo markamanta rishpa, kunan tikramushka runakuna kayashka, kay chaska, 22 puncha, wacha 23 puncha, sitwa killa “Kallari rimaypi, purik runakunawan mushuk llankayta rurankapa allita rikunka, llankayñantapash ruranka”.
Chay José María Román wasi ukupi, Gobierno Autónomo Descentralizado de Riobamba llaktapi pusharinka.
Kay rimanakuypi kamachiy killkak Mamallakta Tantanakuypi purik runakunata yanapankapa kamachiykuna arinirishkata riksichinka, kamachiypa nikikunaka purik runakunata achkata paykunapak yanapan. Ashtawanakarin, Mamallaktamanta kamachikkuna, kitikunamanta kamachikkuna, tantarita pushakkuna, Chimborazo markapak kamachikkuna.
Chay Asociación de Migrantes Retornados del Chimborazo, Marcelo Cárdenas pushak, kay tantarikuna, yachaykuna, llankaykunaka purik runakuna imashina yanapankapa shuk ñantami rikuchin; kay purik runakunapak hawalla llakikunata achikyachinka; shinalltak kitikunamanta kamachikkunawan, Mamallakta kamachikkunawan, tantarikunata pushakkunawan kimirinakushpa llankanatami rikuchin. Chayka kullkipi, yachaypi, purik runakunata wallpaypi ñanyachinka.
Kay Chunchi, Alausí llakatakumanta purik runakunapak tantarimanta mañashka, kamachiy killkak Dora Aguirre kay llaktakunata riksishpa purinka, shina kamachiywan llankayta mirachinka, tikramushka runakuna mushuk llankaykunata wiñachishkata riksishpa purinka.
JLVN/pv/jc-kichwa
