Kawsaytarpuyka Mamallakta Tantanakuypi ñami kuskata charin. Chaymanta Los 4 del Altiplano takikkuna 35 watata takishkamanta kamarin, paykuna allpachapi takikunawan muyushkamanta shina riksirka.
Mama Gabriela Rivadeneira Mamallakta Tantanakuyta pushak, kamachiy killkak René Caza “Vicente Rocafuerte” kamarita paykunaman charichirka, shinami Raúl, Mario, Rafael Soria, Omar Pacheco wawkikuna kamarita chaskirka. Yapa Mamallakta Tantanakuypak yuyaritapsh chaskirka, chay takikkuna Ecuador llaktapi awki tukushkami kan. Ashtawankarin takikta wiñachishkamantami Edwin Ríos takikman chayachirka.
Kay hatun aknaypi Chile llaktamanta Illapu takik karka ; Argentina llaktamanta Suquía takik karka, Cotopaxi markamanta tushukkuna, kamachikkuna, kamachiy killkakkuna shamurka.
Kamachiy killkak René Caza, 15 watamanta kay takikkuna rikurirka, Quito llakta uraymanta karka, Quito kitita kay takikunawan rayminatami rikuchirka, chaymanta shamun, Mamallaktapak 22 markamanta 20 marka tushunkapa rikurirka.
Mamallakta Tantanakuyta pushak Gabriela Rivadeneira, Los 4 del Altiplano takikkuna ñukanchikman kushikayta rikuchirka, chayka kawsaytarpuyta kawsaktami charin. Mamallakta Tantanakuy kimsa watamanta Ecuador llakta: takita, tushuyta, arawita, killkashkata runakunaman kuchupilla kankapa mutsuy kakpi pushamushka.
Kay América Latina llaktakuna tantarichun, kallarimanta kikinkaymanta llankamushkanchik, chaymanta takita, makirurayta, kawsayta, runakunaman alli kachun pushamushkanchik. Ñukanchikpak Mamallaktapika takimi kuychin, arinichin, yanapan, purichin nirka.
Kay “Los 4 del Altiplano” takikunawan raymi katirirka, shinami runakuna tantarishka ukuta “Indio Ecuatoriano taki”, “Rosalía Ecuador taki”, Te reto a que me olvides taki” takikuna huntarka, shinallatak danzante, sanjuanito, balada takikunata uyachirka.
MG/KZ/JS/ jc-kichwa
