Kamachiy killkak Richard Calderón, Sistema Nacional de Infraestructura Vial de Transporte Terrestre kamachiyta churarka. Kamachiywan chikan chikan kamachikkuna kimirishpa, yuyarinakushpa llankachun kay hillaywan yanapanchik. Mamallaktapak hatun ñankuna linchirishpa llankaykunata llankachun yanapan.
“Ecuador llakta pushakkuna, llankayñanta, nikirita, maymashkayta, ñan rurarishkata charishpapash 1964 watapi killkashka kamachiywan llankan, 2008 watapi arinishka Mamakamchiypak hatun yuyaykunawan mana llankanchu”, shinami Calderón kamachiy killkak rimarka. Mamakamachiy antwa purina ñankunata riksikpipash uchilla nikichik kamachiy mutsurin nishpa riman, chaywan ñanta tinkichi, ñan rurana llankayñanta, shina shuk hatun llika tukuchun.
Ashtawan, shuk ñanmanta alli yachakmi chikan chikan ñankuna ima llankaypak yanapakta rikuna kan, purik runakuna ama llakita charichun, imapak ñanta rurana kaktapash rikuchichun riman, shina kay ñankuna llaktakunata alli kachun yanapanka.
Kay kamachiywan Sistema Nacional de Contratación Pública kamachiyta allichinka, Código Orgánico de Organización Territorial kamachiyta allichinaka, allichirishkakakuna, yanapashkakuna ama shukpaklla makipi kachun. Hatun llakikunata, mutsuykunata rikuchun shuk kamachiyta churana riman. Shina, kamachikunamanta karuyashpa runakuna paktapakta kawsachun yanapanka.
Kay Richard Calderón kamachiy killkak, alli ñankunawan purik runakuna ñukanchikpak llakta ukupi allita purichun kamanchik. Llankaykunata mirachin, kullki tiyachun kapuyachik wasikuna murukunata katuchun, rakichun yanapan.“ kapukyachik wachu kullkikuna wiñariyna ukupi tiyachun nikina, shina Mamakamachiypi rimakta paktachina”, shinami rimarka.
LM/pv/jc-kichwa
