Kunan 10:00 sayllata, 27 puncha, sitwa killa, kay Relaciones Internacionales minkashka, María Augusta Calle ñawpashka, imashinami “Convenio de reconocimiento mutuo de títulos profesionales y grados académicos de Educación Superior Hatun yachayta, Ecuador llaktawan, República de Chile llaktwan” yuyarina willayta arininkapa atinakunka, kipaka ña arininkaku
Kay yuyariwan ishkantin Mamallaktakuna mashiyarishpa amawta yachaykunata, shuklla yachay pankakunata riksinkakuna, kay Ecuador llaktamanta rimashpa, maestría yachayta, doctorado yachayta hapinka, kay shutikunata hatun yachana wasikunami kamachiywan riksinka.
Kay yuyarika ishkantin Mamallaktapura kamachiykunawan mutsuykunata paktachishka kipa, willanakushka kipa, 60 punchapi llankankapa yaykurinka.
Kay ista yuyarika riksichikushka ukupimi, kay llankayta minkashkakunaka Cancillería, kay Ecuador llaktapi llankak Embajada de Chile ista kamachikkuna rimashkata uyarka, shinallatak kay Secretaría Nacional de Educación Superior, Ciencia y Tecnología (SENESCYT) kamachikkuna rimashka uyarka, ishkantin llaktamanta kamachikkuna chay yuyaytallatak charirkakuna, kay yuyari mashi llaktakuna hatun yachay pankata, amawta yachay pankata riksinkakuna nirka.
Kamachik Luis Fernando Cuji, payka SENESCYT kmaywasimantami kan, paymi yuyarika yachay katikuykunata kutsikyachinka nirka. Kay 2013 watamanta, 2016 watakama Ecuador llaktamanta Chile llaktapi llankankapa rikkunaman 129 karashka kullkita kamachiywan riksishka nirka; ña 90 yachakukkuna yuyarita aspirka; shinallatak 86 ñami yachakun; chusku ñami tikramurka. Paykunamanta, 63% patsakri maestría yachayta charin, 21% patsakri hampinata yachamurka; 16% patsakri amawta yachayta hapimurka.
LM/pv/jc-kichwa
