Mamallakta Tantanakuyta pushak Gabriela Rivadeneira, shinallatak Ministra de Desarrollo Urbano y Vivienda (MIDUVI) kamaywasipak, María de los Ángeles Duarte hatun kamachik, Mamallakta Tantankuypak wasi rurayta tukuchinkapa shuk yuyarita killkarka, chayka Conferencia Hábitat III ukupimi kan.
Kay killkapika, MIDUVI kamay wasimi kay wasita allichinata, ruranata arininkuna, chayka ñawpa Palacio de Justicia wasita ruray tukuchinka (Juan Montalvo) kuskapi sakirin. Ñukanchik Ecuador llakta Hábitat III hatun tantaripi alli rikurinkapa riman.
Kay yuyaripika 5 killapi tukuchina riman, llankakkunaka 5 patata ruranka, chayka habilitación de rampas, ciclovías, parqueaderos patakunata ruranka, shinallatak sisa pampakuna, murukuna, kay tukuchinkapa 200 waranka kullki tukurinka riman.
Kay Ecuador llaktapak umu kitita riksishka kipa, ONU tantaripak kamachikkkuna, ista tantaripak alli kuska kakta tarirka, kaypimi ista hatun yachaykunata rurana alli kan nirka.
Mamallakta Tantanakuyta pushak kay yuyariwan kushilla karka, wasita rurakuk pachallatak Hábitat shutipak hatun tantarita rurashpa chimpapuranka, allpapacha tantaripika: ordenamiento, desarrollo urbano y vivienda rimaykunata charinka. Kay rimankuypi Orgánica de Ordenamiento Territorial, Uso y Gestión de Suelo kamachiy hawa rimarka, Ecuador llaktapi achkata ushashkata rikuchirka.
Kay Rimay charikkunapak hatun tantari pusharichun mama Rivadeneira kayarka, chaytami Parlamento Latinoamericano y Caribeño (Parlatino) kimirishka llaktakuna alli ñawiwan rikurka.
Paymanta, María de los Ángeles Duarte hatun kamachik, Mamallakta Tantanakuy yuyarinkapa punkuta paskashkata yupaycharka, kay Ecuador llakta, Hábitat III rimanakuypi rimankapa alli kan nirka, allpapachamanta 30 waranka riksikkuna chayamunka nirka.
JC-kichwa
