Shinami Defensa Nacional, Ricardo Patiño hatun kamachik; Interior, José Serrano hatun kamachik; Coordinador de la Seguridad, César Navas hatun kamachik; Finanzas, Fausto Herrera hatun kamachik, kay Derechos de los Trabajadores Minkashkaman kayashka karka, paykunami Seguridad Social de las Fuerzas Armadas, Seguridad Social de la Policía Nacional, Pensiones de las Fuerzas Armadas kamachiy hawa rimayta charinka. Kaya 10:00 sayllata kallarinka.
Mamallakta Pushak, Rafael Correa kachashka kamachiy kakpi, kamachiy killkakkuna kutsikta llankakkuna, kay Fuerzas Armadas, Policía Nacional awkakunapak kamay kullkita kunkapa chayrak rikukun, runakunapak kamaymata chikanmi kan.
Minkashkata pushak, Marllely Vásconez kamachiy killkak, kallari wiñaykawsaymi Policía Nacional awkakuna, Fuerzas Armadas awkakunapash upallalla kan.
Kay mushuk kamachiypi, Correa Mamallakta Pushak kunan taripaykunata rurashpa kutsiklla mushukyachina kan nirka, kaytaka mañashka kullkikunata charinkapa ashtawankarin kay kamachiyta allichina kan nirka.
Kay mushuk kamachiyka 15 nikita charin, chaymanta 7 nikikunatami Seguridad Social de las Fuerzas Armadas kamachiyta allichin, 4 nikita Seguridad Social de la Policía Nacional kamachiyta allichin, 4 nikita Pensiones de las Fuerzas Armadas kamachiyta allichin.
RSA/pv/jc-kichwa
