Kay Defensa Nacional, Ricardo Patiño hatun kamachik; Coordinador de Seguridad, Cesar Navas hatun kamachik, Interior, Diego Fuentes hatun kamachik, kunan puncha kay Derechos de los Trabajadores minkashkaman chayakurka, paykunaka Seguridad Social de las Fuerzas Armadas, Policía Nacional, Fuerzas Armadas kamachiyta allichichun yuyaykunata kunkapami shamurka. Llankaypi payayashpa kullkita paktapakta, unipak hapina hawami rimarkakuna.
Kay llankaypi payayashpa hapina kullkitaka kamachiy mushukyaypika chikan chikan mashnaytami churan, shina tukuri watapi chapak awka, ushak awka mashka kullkita llankaypi hapikushkawan sakirin, pichka tukuri kullkipash chaypi chimpapura yaykurishka katinka; chanikuna mirarikpipash llankay kullkipash mirarinaka, llankaymanta achurinkapa 20 watakama, mana kashpaka 25 watakaman llankashpa anchurinka.
Kay Fuerzas Armadas kamachikkuna llankaymanta anchurikpika, picha wata ukupi mayhantak yalli kullkita hapikushkatami yuyarinka, shinami Patiño hatun kamachik rimarka, ashtawankarin Fuerzas Armadas kamachikkumanta rimashpaka, mashna kullkita hapinata allichina nirka. Chikan llankaypi payayashka runakuna mashnata hapikushkawan, kunan awkakuna mashnata hapikushkawan shukllasami rakishka kachun nirka.
Kunan awkakunaman 20 watata llankan, chaywan llankaymanta ña anchurin, llankaypi payayay kullkita hapi kallarin, shinami kamachiypi rimashkata paktachin, kay mushuk kamachiypika 25 watata llankachunmi riman, mushuk kamachiy arinirishka kakpimi kallarinka.
Kamachiy mushukyaywan ISSFA kamaywasi kukushka llanaypi payayay kullkika sapan watapi wichiyanka, imashinami chanikuna wichiyakpimi wichiyanka, Mamallakta kipukkuna chanikpimi kaypash wichiyashpa katinka, uchilla, hatun llankay payayay kullkipash kayman yaykurinka.
Kay Derechos de los Trabajadores minkashkakuna kay kullkiman kimirishkakunapak yuyayta hapishpa katinka.
RSA/pv/jc-kichwa
