Mamallakta Tantanakuyta pushak, Gabriela Rivadeneira, kamachiy killkakkunapak 15 puncha, karwa killapak rikushka samarina, kay económica urgente kamachiy atinakunkapa kipayana rikurin, kay kamachiyka incentivos tributarios shutitami charin, shina equlibrio fiscal kullkita, ayllupak kullkita kamankapami kan.
Mama Rivadeneira, Consejo Administrativo de la Legislatura (CAL) tantari, kunan tawka kamachiykunata arininkapa kayakun nirka, chaypimi económico urgente kamachiy yaykurin nirka, Mamallakta Tantanakuy atinakuchun 5 punchata chrinka nirka.
Yapa, Contigo de Ley yachayta rimashpa, kayna tuta allpa chukchuyta rimashpa, Quito kitipika 4.7 patata allpa chukchurka nirka, wasi chiktarikuna tiyashka nirka, chaymanta kunan puncha Mamallakta Tantanakuypak rimanakuy sakirirka. Kay kupakunata pichana, kamana kunan chishikama tukurinka nirka.
Mamallakta Tantanakuyta pushak, kaya 10h00 sayllata, Desarrollo Económico, Productivo y la Microempresa, mushuk Artesano kamachiyta rikuchinka, kay kamachiyta makirurak wasikunapi, tantarikunapi rikuchishkami kan, kay kamachiyka pakta, uchilla kapukyachik wasikuna llankashpa wiñarichunmi yanapan. Kay kamachiytaka 1.000 makirurakkunawan chayachishkami kanka.
“ Kay mushuk kamachiyka kullkiwan yanapayta, kullkita mañachiyta charinka, kay makirurayta ñukanchikpak Mamallaktapi ñawpakman churanka, achkata yanapakmi kan, 800 waranka ayllukunapak makipimi kan”. Kay maki ruray llankayka riksina llankaywan makipi hapishkami rin.
Mamallaktapi Cultura Ecuatoriana puncha kakpi, mama Rivadenira, Mamallaktapak makirurakkunaman, kawsay tarpuyta pushakkunaman shuk napayta kacharka. Yaykuchik Kawsaytarpuy kamachiyta arinina yallitami mutsurin nirka, tukuy tantarishka runapak yanapaytami chaskinka.
KZ/JS/dp/jc-kichwa
