Kamachiy killkak Virgilio Hernández, mana nikishka kiti ayllullaktakunapi kawsak runakunantin, tawka killamanta mana nikishka aylllullaktakunawan “Lucha, Organización, Tierra y Esperanza”, LOTE, tantarita wiñachishkanchik nirka, Mamakamachiypi hapirishpa wasichina pampata, wasita, kiti muyuntinta hayñita hapinkapa llankan, suelo, kaykunaka Código Orgánico de Organización Territorial, Autonomía y Descentralización kamachiypi, Ordenamiento Territorial kamachiypi tiyan nirka.
Kay kamachiyka kiti aylllullaktakunata kamachiywan riksinkapami kan, kay allpata kamachiywan hapinkapa kan. Kitipak kamachikkuna runakuna yanka tiyarishka pampakunata kamachiywan riksinkapa ishkay watata charin, kay kiti ayllullaktakunaka 28 puncha, kapak killapi, 2010 watapi riksishka kan, Hernández kamachiy killkak rimarka. Kay Distrito Metropolitano de Quito llakta, yallik kamak kamachikmi pushakurka, llakinchik; tawka killakunatami sakirishka karka, kunan kiti kamachikkuna mana allichinata munarka, kiti kamachiykuna rimakukpipash mana llakita allichirkachu.
Paymanta, Nancy Reinoso, kay Vista Hermosa San Roque ayllullaktamanta, Quito Kitipak kamachikta, kamachiy rimashkawan pampa kamachiywan shutichinka katichun nirka, kipaman pampapak shutita chayachichun nirka. Chaywan chirli yakuta, mapa yaku larkata, achikta charinkapa nirka. 100 kiti aylllullaktakunami kay llakiwan tiyan, chaymanta kay llakita allichinaka.
Pay Luis Paca, kyn tantarimanta kiti ayllullaktakunata kamachiywan riksishka kachun mañan, mana alli kawsaykunata kay runakunaka charinchu. Paykunapak hayñita saruymi tiyan, shinami chay Habitat III tantari, Quito llaktapi, 17 punchamanta, 20 punchakama, wayru killapi kakrin, Casa de la Cultura kanchapi kapari tiyanka, patsak yalli runakuna kay, llakiwan kawsakta riksichinka, allpata kamachiywan rikisinka.
JLVN/pv/jc-kichwa
