Kay Cámara de Pequeña Industria de Pichincha pushak, Cristian Cisneros kamachik, kay medicina prepagada hampiman llankakkuna asha asha kachun, punku paskashka kachun mañarka, shinllatak paktalla, uchilla llankak wasikunapi llankakkuna yanaparichun.
Kay mañaytaka Régimen Económico minkashkapak ñawpakpi rikuchirka, kay medicina prepagada hampiman yaykurinkapa yalli kullkimi kan nishpa shina mañarka .
Ashalla kullkita kuna kashpapash, llankakta kukmanka achka kullitami kuna rikurin, kay kamachiyka mikunata rurashpa llankakpak, chakllipi llankakpak, anta hillaywan llankakpak kanka. Kamaytaka mayhan llankayta kukmi rikunata charin. Shinami IESS kamaywasiman yaykurinata rimashpa Cisneros llankakwasita rikuk shina rnirka, shukpaklla hampiman yaykurinaka yalli sinchimi kanka nirka.
Kay Régimen Económico tantarita pushak, Virgilio Hernández kamachiy killkak, llankachik 100% llankakkuna kamayman yaykuchiktami achkata yanapan, alli llankayta charik, achka kullkita charikmi kaya yanapaytakunata hapinka, mikunata rurashpa llankak, chakllipi llankak, antawan llankak kayman hawalla kimirinka, shinami Cristian Cisneros llankak wasita rikuk nirka, shuktakkunaka mana chawchanata ushankachu yapa rimarka.
Kamachiy killkak, kay yanapayka, ñami 17 puncha, sasi killa, 2014 watapi arinishka Régimen Tributario Interno kamachiypak ñami 10 niki, 12 yupayman yaykurishka kan nirka, yapa yanapayta charichunmi punkuta paskan. Uchilla, pakta llankak wasikunami ashalla llankakkunata kawsaykamay wasiman yaykuchishka kashpa llakita charinka, mashna patsakri kamayman yaykurishka kashpami kay llakita charinka.
Shina chawpishka hampina kamayman yaykurishpaka kutintakmi shukpaklla kawsaykamayman yaykurinka, pushakkunallaman, kullki hawa llankakman chayanka, llankakkunaman mana chayankachu, chaymantami kawsaykamayman 100% patsakri yaykurishka runakunaman chayanka.
JLVN/pv/jc-kichwa
