Kay Seguridad Social de las Fuerzas Armadas kmachiyta, Seguridad Social de la Policía Nacional kamachiyta, unipak kachun Mamakamachiytami rikuchin, llankaymanta anchurinkapa, chukririshka sakirikta, wañuyta rikuna, shinami Bairon Valle kamachiy killkak rimarka, shinami Mamallakta Tantanakuypi atinakurka.
Kallari atinakuypak kamachiypak paktashka yuyayta, rimashka hawa, llankaymanta anchurishpa kamayta rimarka, shinallatak Fuerzas Armadas, Policía Nacional kamachiyka, awkakuna 25 watata llankachun churana. Kay kullkitaka awkakuna, chapakkuna 60 kutin hapishkatami rikunka, kunankama kaytami rikunata charin.
Kay Valle kamachiy, sapan watami rantinakuna wichiyakpi, chay llakita alichin, kullkitapash mirachin, Mamallaktapak kipukkuna rikuchishkata hamutashpami mirachinka, shinami Régimen General de Seguridad Social yallimi kanka.
Yallichinalla
Kunan yaykurik kamachiy killkak Trabajadores minkashka, kay Fuerzas Armadas y la Policía Nacional kamaywasipi llankakkunata mushuk kamachiy allichinka, chaypak shuktak nikikunata churanka. “ Kay mushuk churashkalla nikikuna kachun riman, awkakuna, chapakkuna kullkita hurana hawa rimarka.
Sumak ruray tiksikuna
Ashalla kullkika chayrak awkakuna, chapakkuna anchurishkamanta rikurin nirka, chayka llankaymanta anchurishkamantami kan. Chaymantami llankaymanta anchurishka kullkika sapan wata mirarinata charin. Awkakuna llankaykuna 20 watamanta, 25 watata llankachun nirka, chaymi llankay kullkipash wichiyanka nirka. Mushuk yaykurikuna 16 watata llankashpa, imashinami 25 watata llankashpa kullkita hapin shinami hapichun rimarka.
RSA/jc-kichwa
