Kay 28 rimanakuy kipa, pichka sayllata atinakushka kipa, kamachiy killkak 108 apuchiwan arinirkakuna, shinami Incentivos Tributarios Hatun Kamachiyka mushukyarirka. Chayka tawka kapukyachikkunaman 547 nikipi rimashka, Código Orgánico de Organización Territorial, Autonomía y Descentralización (Cootad) kamachiy paktanka. Kallari atinakuy kipa 25 rikuykuna tiyarka, kamaywasikunawan, runakunawan 25 ñawipuraykuna tiyarka, shinami Virgilio Hernández kamachiy killkak, Régimen Económico y Tributario pushak, shinami kapukyachik mañashkakunata paktachinka nirka.
Kay Instituto Ecuatoriano de Seguridad Social (IESS) kamaywasi shukpaklla kawsaykamaypak, shinapash ashalla kullkiwan hampi kamayta paktachichun, kunan shina 100% patsakrita mana paktachinkachu, tukuy llika hampinaman chutachirka, ashayachina shimipak ranti, hampirikkuna shimita mirachirka, yapa puchu shimita killkarka. Kaymi ishkayniki atinakuypak hatun rimay karka.
Chay Quito, Guayaquil llaktakunapi llankakkuna ama churashka kullkita ñawparayashpa kuchun shuktak yuyaypash rikurirka. Kay kullkiwan uchilla kitikuna yanaparichun, kapukkuna mirarichun mashkan, nirka. “Mana shina rurakpi Mamallakta, uchilla kitikunapash llakirinka nirka, kullkiwan yanapak chinkarinka, kunan kullki llankayta karuyachinatami rikunchik”, shinami Hernández rimarka.
Yalli yapaykuna
Kay kamachiywan ashalla churashka kullkita tikrana, yalli kullki kuskata tikrachinata rikuchin. Kay Servicio de Rentas Internas (SRI) mirarikpimi shina paktachinka. Kay Impuesto Único de 1% a 2% mushukyarinka, palanta tarpuypak shuk llankaykunaman shina paktachinka. Shinallatakmi uchilla llanakaywasiman, Empresas de Economía Popular y Solidaria llankayman chayanka, shinami Impuesto a la Renta (IR) paktanka.
Antawawan llankaypika: llashkak kipita aparishpa llankak antawanakuman, paykunawan kimirishpa llankakkunaman kullkliwan yanapanka, antwapak Impuesto a la Renta anchuchinata rimarka. “Tawka yuyaykunata ñakarishpa paktachirka, kay kullki yanpaykunami atinakuyta mirachin, rurana yuyaywan yanapana”, shinami Virgilio Hernández rimayta tukuchirka.
MC/jc-kichwa
