Kay Incentivos Tributarios Hatun Kamachiyka ñami mushukyarirka. Chayka tawka kapukyachikkunaman 547 nikipi rimashka, Código Orgánico de Organización Territorial, Autonomía y Descentralización kamachiy paktanka. Kay kamachiyka tawka kullkiwan llankakkunata yanapashka allichinka, kayna awaki punchami Mamallakta pushakman kachashka kan, paymi Mamakamachiywan arininka, mana ninkapash.
Kay mushuk kamachiyka, llankachikkuna hampinata shuklla runa, tantarishka runata yanapachun risichin, paykuna uchilla llankaywasita charikpi, shuklla llankak runa kakpipash hampiwan yanapanka, 100% patsakrita ashayachinka, llankakkuna hampimanta manuta charishkatapash yanapashpa tikrachinka; hatun llankak wasita charik, paktalla llankakwasi charikta, 50% patsakrita yanapanka. Tukuy llankakkunaman kakpimi shina yanapanka, unipak llankay kullkita chariktapash, Mamallaktapi llankaywasita chariktapash yanapanka, kay kamachiyta paktachik uchilla kamachiyta rikushpami paktachinka. Kay popular y solidaria tantarikunamanpash shinallatakmi yanapnka.
Kay Red Pública Integral de Salud kamaywasika shukpaklla hampik wasi hampiwan mana yanapaytakushkatami, hampiman kimirishka kan, hampita hapik runaman hampiwan yapa paktachinka. Chay hampikunata kamaywasimanta mañashpa rantishka kakpimi paktachinka, imashnami uchilla kamachiypi rikuchishkata katishpa hampikunapak shutita killkashka kakpimi yanapanka. Chani imashina marupi kashkata rikushpa, tukuylla hampi kakta rikushpami kullkita kunka, kayka mañashkami kanka.
Shuktakkunamanta rimashpaka: tarpukkunaman, chalwakkunaman, chalwata tarpukkunaman Impuesto Único kullkita churanka, shinami tukuy kullki yaykuymanta 1% patsakri, 2% patsakri churashka kullkita churanka. Kay Régimen Impositivo Simplificado (RISE) yaykurishka runakunaka chaypillatak sakirinka.
JLVN/pv/jc-kichwa
