Wasipi llankak warmikunaman, kawsaykamayman yaykurichun, warmi kashkamanta wañuchuishkamanta wanachichun, 18 watata charishpa sawarichun Mamallakta Tanatanakuy kamachiyta arinishpa yanaparka, shinami Rosana Alvarado Mamallakta Tantnakuyta Kipapushak rimarka.
Llankana punchakunata paktachishkanchik, shinapash llankayta tukuchina achkami sirin nirka, warmikunapak hayñimanta llankana manarak tukurishkata yachanami kanchik, chaymantami kay llankayta yanapachun apuchina kanchik rimarka.
Tawka watakunatami tantarikuna kay paktana mañaykunata, mutsuykunata Mamallakta Tantanakuy riksichun churashpa katimushka, paykunamanta wiñarishka, chanishka kikin mutsuykuna kakpi Mamallakta Tantanakuy kamachiykunata arinishpa yanapachun churashka kan.
Warmikuna tawka alli kamachiy llankaypi kana maymutsurikmi kan nirka, imashna Código Integral Penal kmahciy arinishka kan, kay kamachiypimi warmi kashkamanta wañuchik sdinchita wanachin.
Ñawpak warmikuna
Pay Rosana Alvarado shinami “Mujeres Progresistas por el país que queremos” tantarita rikushpa rimashpa nirka, kunankama paktashkata chaninkapa shina rimarka, mashna llankaykuna siriktapash, achka alli llankaykunata rurashkata mana riksik runakunata, ima hillaywan harknata yachana kabn.
“Kay pachami imatalla mishashkata ukllana pachan kan, ashtawan llankachun, tukuy hayñikunata mana hapishpaka mana kushillachu kashun nirka. Shinallatak karikuna charishka hayñikunamanta mana, shuk yalli, shuk illakta charishunchu. Tukuykuna hayñita charishun, hayñita charik runakuna kachun munanchuik, rimashpa uyachirka.
RSA/pv/jc-kichwa
