Kay Relaciones Internacionales minkashkata pushak, María Augusta Calle, imatalla kay patakupi llankashkata riksichin, shuk llanka: ista llaktakunawan yuyarikunata, rimanakuykuna imashina kashkata rikuna. Tukuyka 12 yuyarikunami kan, chayka: kullki hawa, pachamama hawa, amawta yachay hawa, sumakruray hawa kan. Shukka Ecuador llaktawan, Costa Rica llaktawan mamakuchapi saywa llakita allichina karka, chaywan Mamallaktapak shuk wiñaykawsay tukun, shinami allpata, yakuta saywashka kan.
Kay yuyarita minkashkapi killkashka kan, Mamallakta Tantanakuypi 8 puncha, pawkar killapi arinirishka kan, Mamallakta Tantanakuy kaya 9 puncha, kuski killa, Galápagos llaktapi, Costa Rica llaktawan, Colombia llaktawan yuyari tiyanka nirka. Shinami “tico” llaktawan saywari tiyanka, chay Coco wayta allpapi, Costa Rica llaktapi kanka, Galápagos llaktapika Ecuador llaktawan yuyari tiyanka. Kay yuyarikunawan kimirishpa llankaykuna suyukunapi sinchiyanka, mamakucha ukupi tiyakkunawan hatun llankay tiyanka, mushuk amawtaykuna, kawsaykuna sinchiyanka.
Mama María Augusta Calle kay yuyarikunaman chayana mana hawallachu karka, ashtawankarin wakinkunaka pusak watata, iskun watata shayarishka kashka. Minkashkapi rimashka yuyaykunaka ista Mamallaktakunwan llankanamanmi yaykurinka nirka.
Chay Irán llaktawan mintalaymanta yuyarinka, chay llaktawan 400 hunu runakuna rantichunmi punkuta paskan, shinami kamachiy killkak rimarka. Pachamama hawa yuyaritaka Convención de las Naciones Unidas (NN.UU) rimashkamanmi yaykurin, chay Derecho al Mar shutimi kan, ista llakatakunpi purik runakunata kamankapami kan. Shinallatak Venezuela llaktawan Cooperación para el Desarrollo Científico Tecnológico shutimi kan.
Kay yuyarikunaka ñukanchik kawsaywan kuchullami kan María Augusta Calle rimarka. Kay Grupo de Trabajo del Alto Comisionado de las NN.UU willayta chayachishka hawami rimarka, paykunami América Latina llaktakunapi taripayta rurarka, chay Base de Manta llaktamanta shuktak llaktakunapi makanakuchinkapa tawka pakta runakunata hapikurka, paykunataka runakunata wañuchichun yachachinaman pusharkakuna. “kay hatun tantankuy ukupi kashpami pakta runakunata ama yanka pushachun harkanata ushanchik, pakta runata hapik mintalak kamaywasikunaka achka kullkitami hapinkuna”, shinami rimarka.
LM/pv/jc-kichwa
