Kay Derechos Colectivos minkashka llankak tantarikunata churanka, paykunaka markakunaman llukshinka, shinami runakuna, kamachikkuna rimashkata hapinka, chaywan mushuk kamachiy ruku runakunapak mutsuyta killkanka.
Taki, tushuy, kawsaytarpuy kushiyaykuna Mamallakta Tantanakuy José Mejía Lequerica, yuyay runakuna llankashkawan, kuna Ecuador llaktapi mushukyaykuna, hayñikunata pushay rikurikun.
“Rurashkata rikuchinami kan, mana paywatakunapi shina, kunanka llakikunamanta llukshinkapa alli kamachiykuna rikurikun, Mamallakta Tantanakuy ukumanta ñukanchikta yanapankapa alli kamachiykunata surkunka”, shinami yuyak runakuna kushiyarikuy pacha Teresa Villavicencio rimarka.
Mama, Gabriela Rivadeneira, Mamallakta Tantanakuyta pushak, Comisión de Derechos Colectivos shamuk hunkamanta llankay kallarinka nirka, chaypimi Adulto Mayor kamachiyta mushukyachinka, tukuy Mamallaktapi yuyaykunata chaskinka. Chaypak Yuyakkunapak yuyayta hapinka tukuy Mamallaktata purinka.
Mamakamahiypi rimashkawan yuyak runakunapak mutsuyta yanapanarayku: allikawsayta, wasita, yachayta, chaypi kayta, yanapayta kuna, ukllay tupuykuna, yaykuchik runakuna kachun wallpana shuk hillaykuna kanka nirka.
MC/pv/jc-kichwa
