Kay Comisión de Justicia minkashka, Mauro Andino kamachiy killkak, kay Protección de Derechos a la Intimidad y Privacidad sobre los Datos Personales kamachiy, mama Gabriela Rivadeneira, Mamallakta Tantanakuyta pushakpak yuyaymanta shamuskka kamachiymi kan, Apya-yalapak llaktakunapi kawsak runakunaman paktachina kan.
Kay kamachiyka llaktayukkunapak imanikta kamankapami kan, ashtawankarin mana killpan, mañashkata mana anchuchin, tukuylla awllikkuna imatalla llankashkata rikuchinkapami kan, kay willayman yaykunka, Chimborazo markamanta kamachiy killkak shina rimarka.
Kikin yupayta, shutikunata, kipashutikunata, llaktay tantariman kimirishkata, shuktak kikinpak kashkatapash kaman. Mamallaktapak Mamakamachiymi shuktak kamachiykunapak hawapi kan, ashtawanakarin Acceso a la Información Pública, Registro de Datos Públicos, kamachiyta charinchik, punchanta llankakkunapak llankayta achiklla rikuchin.
Kay kamachiyka Justicia y Estructura del Estado minkashkapak, Mauro Andino kamachiy killkakpak makipimi kan, mutsurikpi mama Gabriela Rivadeneira Mamallakta Tantanakuy pushakta kayanka, paymi kamachiypak yuyaykunata, paktashkata, yanapakkunata charirayanka. Shinallatak amawtakunata, kamachiy Yachakkunata, chikan chikan tantarikunapak pushakkunata kayanka.
MG/pv/jc-kichwa
