Chay Manabí markapi, Mamallakta Tantanakuyta pushak, Gabriela Rivadeneira, runa tantarikunawan, tarpukkunawan, warmikunawan tantarirka, chaypimi paykunapak yuyayta hapirka, 2017 watamanta, 2021 watakama llankayñanta killkankapami karka.
Mamallakta Tantanakuyta pushak, kay Revolución Agraria llankayta shamuk Hatun Kamachik pushachun nirka, tantarikunapash chay yuyayta charirka, Yaku Kamachiy, Allpa Kamachiy tiyakpipash, achkata llankanami sirin, kunanlla arinishka Incentivos Tributarios kamachiy tiyan nirka.
Tawka willana ñankunapi, ISFFA kamachiy mushukyarina hawa rimarka, kaytami Mamallakta Tantanakuy arininka. “Kamachiykuna hatunyachun mana kanchu, paktarakita charinkapami kan.
Kay $ 3.909 hunuta ISSFA charishkata, 2000 watamanta, 2015 watakama yapa kullkita kurka, kay 80% patsakritami Mamallakta kullkita kurka. Mana charirayak ISSFA kamaywasipak ñawpakpimi kanchik; kamachiy mushukyayka unipak llankaytami yanapan”, shinami mama Rivadeneira rimarka.
Llankayñanta ñawpachishpa Manabí markapi Mamallakta Pushak, Manabí llaktamanta Ricardo Zambrano kamachiy killkak, Zoila Benavides kamachiy killkak, shuktak markamanta Diego Vintimilla, Virgilio Hernández kamachiy killkakkuna karka.
JC-kichwa
