Kay Seguridad Social de las Fuerzas Armadas y de la Policía Nacional y de Pensiones de las Fuerzas Armadas kamachiy killkay ukupi, chay Derechos de los Trabajadores y la Seguridad Social minkashkakuna Pablo Terán Jaramillo rimashkata chaskinka, payka Confederación Militares en Retiro del Ecuador shutipi rimanka.
Chaypak rimanakuy patakunata pushak, Marllely Vásconez kamachiy killkak, kamachiy killkakkunata 181 tantariman kayarka, chayka kulka, 29 puncha, kuski killa, 14:00 sayllata kallarinka.
Kay pushakkuna rimashkata uyashka kipaman, kamachiy killkakkuna mushuk kamachiy hawa rimanakushpa katinka. Ishkayniki atinakuypak allita rikunka, nikikunata arininkapa alli yuyaykunata yaykuchinka.
Sarun, 26 puncha, kuski killapi, Mamallakta Tantanakuy kallari atinakuypi rikushkakuna allichishpa katinka, kay kamachiywan kipaman llankanata charikkuna yuyayta churashkatapash rikunka.
Kay tantaripi, kamchiy killkak Fausto Cayambe, chay Consejo Directivo pushakkunata mushukyachina nirka. Paypak yuyaypika ISSFA pushakkuna, Ministro de Defensa kamachik, Jefe del Comando Conjunto de las Fuerzas Armadas kamachik, pushak awka, shuk samarikuk awka yaykurinka. Shinallatak ISSPOL tantaripak pushakkuna, Ministro del Interior kamachik, Comandante General de Policía Nacional hatun kamachik, pushak awka, shuk samarikuk awka yaykurina kan.
RSA/pv/jc-kichwa
