Chay Argentina llaktata ñawpapushak Cristina Fernández de Kirchner kamachikman, kunan puncha Mamallakta Tantanakuy kamarita chayachishkamanta yupaycharka. Hunukuna runapak shutipi, Patria Grande shutipi kamarita chaskini nirka.
Kipaman suyupi paktaykuna tiyashka hawa riksichirka, washaman tikraykuna ama tiyachun allita rikuna nirka. Mushukyachik kamachikkunpak willayta yaykuchina, kullkiyay illarka nirka. Shinallatak Argentina llaktapi, 2003 watamanta-2015 watakama.“Rikuy katikuy” hawa ñawpamanta riksichirka.
Ñawpa Mamallakta Pushak, 12 wata llankayta yuyarirka, Argentina llaktapi 5,9% patsakri runakuna llankayta mana charirka, 97% patsakri llankakkuna payayarka, 19 hatun yachana wasikunata wiñachirka.
Kullki, runa yanapay, yachay, hampi, amawtay, sumak ruray 1990 watamanta, 2002 watakama ashalla tiyarka, kunan llankaypi 18 hunu yaykurka, 12 llankakwasi tiyarka, shinallatak 2013 watamanta, 2015 watakama 107 waranka hunukuna llankaypi yaykurirka, pay llukshinkakama 24 waranka llankak wasikuna tiyarka.
Kay llaktapak Mamallakta Wasi Augusto Pinochet awkaman shuk kamarita chayachirka, chayta kun riksini nirka. “ Wiñaykawsaypi imatalla rimakta riksinkapa mashkana alli kanka nirka”, shinami rimarka. Kayka Rafael Correa Mamallakta pushakta surkuna munakta rikushpami yuyachirka, 30 puncha, kuski killa, 2010 watapi karka.
“Chay UNASUR pushak (Bharrat Jagdeo) tantariman kayachun munayman, shinami rurarka, chay takayta shayachirka, Evo Morales Mamallakta pushakta shinallatak rurarkanchik, hatun takay shamukta shayachirkanchik”, rimarka.
Chay watakunapi, suyupi washaman tikrakkunapak yuyayta, kunan rikukpika, imamantatak Brasil Dilma Rousseff Mamallakta pushakta sakirkanchik, ñukanchik pantari kan.
Shukpak pachapika mana shina llakitukunmanchu karka, hatun ushaykuna harkanman karka”, shinami Fernández de Kirchner rimarka, hatun akllashka charikkunapak, shuktak takaykunapash tiyarkami, chaymanta rikukpi kikinkunapak Mamallakta Pushakta surkusha nirkakuna.
Shinallatak, maymutsurik yuyaykunata rimana kanchik. Charikkuna ista llaktapi kullkita charikta, chay buitres hatun kullkimanta rimana kanchik. Kunan Ecuador llakta, G77 +China kullki pushakukta rikuchirka, manuta charirayanka, ista llaktapi kullkita charikta mana sanina kanchik nirka.
“Chay kulli wasipi kullkita charikkuna yachaypak, hampipak, wasita ruraypak hayñita mana sakishka. Kullkita shuwankapami ista llaktapi kullkita charishka”, rikuchirka.
“Yuyarina pachapimi kan, mushukyay, kullki llaki tiyanka. Kay llakikunataka akllaywan mana sakinchikchu, wiñaykawsay mitami”, allichina nirka.
LM/pv/jc-kichwa
