Chay Chimborazo markapi, kay Desarrollo Artesanal kamachiyta rimashpa,Consejo Artesanal tantarita wiñachinatami riman, kay kamachiywan kay tantarita kamaywasichinka. “Kaymi kamachiyta killkankapa rimanakuy kanka”, kaytami Desarrollo Económico pushak, Soledad Buendía kamachiy killkak rimarka, makirurakkunawan, hatun tantariwan shina rimarka, kay rimanakuy Riobamba kitipi pusharirka, kay Facultad de Ciencias Políticas y Administrativas de la Universidad Nacional de Chimborazo yachana wasipi karka.
Pay Soledad Buendía 20 watata makirurak kashpa, pushakkunata kamachiyta allichina mutsurin niktami uyarkani nirka, kay kamachiywan kullki yanapay tiyachun mañarka, kunanpi tiyak kamachiyta mana sumaycharin. Mushuk kamachiywan yanapaykunata charishun, hayñikunatapash kunka. “Makirurakkuna mayhan llankakmanta urayman mana kanchikchu, shuk llankakunawan paktami kanchik, Mamallaktapak pukushikmi kanchik”, rimarka.
Chikan chikan Mamallaktapak kuskakunapi maypimi mushuk kamachiyta riksichikpi, makirurakkunapak tapuyka Junta del Artesano tantarita paykunapak makipi charinami karka, chunkakimsaniki, chunka chushkuniki kullkita kunankama mana kushkata tawkakutinmi riman, shuktak llankaykunawan paktami kana kan. “ Rurakkunaman, yachakukkuman achkatami yachachinchik, punchakuna yallikpika paykunapash achkatami yachan, makirurayta yachachikmi tukun. Ñukanchikka kamachiypi rimashkatami kullkita kunchik. Rimashpaka, yachan, kipaka kullkita hapin nirka”, shinami Edgar Montero rimarka, payka Riobamba llaktamantami kan, mushukyaykunata harkakkuna tiyan, ñukanchikta yanapachunmi harkan nirka.
Kunan chishiman, Facultad de Administración de la Universidad Técnica de Ambato yachana wasipi kanka, Huachi Chico llaktapi kanka, Riobamba llaktapi shinallatakmi riksichinka.
MC/pv/jc-kichwa
