Kay Ecuador llaktapak Mamallakta Tantanakuyta pushak Gabriela Rivadeneira, Colombia llaktapi Acuerdo de Paz tiyachun akllay rikuypi karka, Colombia llaktapak Hatun Kamachikwan, (FARC) awkakunawan Kasilla yuyari tiyachun, mana tiyachunpash apuchita rikurka.
Mama Rivadeneira ista llaktapak rikukkunawan karka, chay tukuy Mamallaktapi apuchikunata pusharka, Colombia llaktapak 34 hunu, 985 waranka runakuna, tapuypi mishankapa 13% patsakri mutsurirka.
Mamallakta Tantanakuypak pushak apuchi kallarimanta pacha chaypi karka, chayka Plaza de Bolívar kuskapi karka, chay llankayman Juan Fernando Cristo kamachik, Ministro del Interior kamachik, Juan Carlos Galindo kamachik, Registrador Nacional del Estado Civil kamachik, Alexander Vega kamachik, Presidente del Consejo Nacional Elector kamachik chaypi karka
Mama Gabriela Rivadeneira Colombia llaktapak uma kiti kuskakakunaman chayarka, imashina apuchikkunata riksinkapa chaypi karka, chaymi paypak ista kamachikpak rikushpa katina llankay karka.
Tawka willana ñankunapi kay Ecuador llakta ima yuyayta charishkata riksichirka, turi Mamallakta kasilla kawsayman chayachun sinchita yanaparka. “Kay Ecuador llakta mayhan llakta ushay katikuytapash yanapshka, chay Colombia llaktapi kasilla tiyachun yanapashka.
Kay Correa Mamallakta pushakpak arinishka sumaychanchik, ñukanchik llakta Liberación Nacional awkakunawan rimanakuy tiyachun minkachirka”.
Kay Ecuador llaktapak Mamallakta Tantanakuyta pushak, apuchikuna wichkarinkama chaypi kanka, Mamallaktapak yallita apuchishka Corferias kuskapimi kan, chayka Colombia llaktapak uma kitipimi sakirin.
JC-kichwa
