Ayllullaktamanta, sapsimanta, runallaktamanta; sumak rurak yachana wasimanta; runakuna tantarimanta; Mamallaktapak tawka hatun yachana wasikunamanta kay Economía Social de los Conocimientos, Creatividad e Innovación (Ingenios) Hatun Kamachypak ishkayniki atinakuypi karka.
Kay kamachiyman kimirishka Mamallaktapak tawka kamaywasikunamanta llikakuna karka, shinallatak Instituto Ecuatoriano de Propiedad Intelectual kamaywasimantapash kaypi karka.
Tukuykuna kamachiy killkak rimashkata uyarkakuna, kamachiy killkakkuna Mamallakta chaypi kana hawa rimarkakuna, yachanawasikuna taripay kana hawa rimarka, shinallatak Sistema Nacional de Ciencia, Tecnología, Innovación y Saberes Ancestrales llankaypi kanatapash riksirka; tawkasami kawsay hawa rimarka; tawsami kawsay llika; yachaykunata ukllana; ñawpa yachay hawa; kikin yuyay hawa; shuktak yuyaytapash rimarka.
“ Hatun Yachanawasita taripaypi washaman sakina pantaymi kanka nirka, yachana wasikunami yachayta wiñachin”, Ximena Ponce rimarka, kutin Diego Vintimilla “Hatun Yachana wasita kanchaman sakishpaka ima taripaytatak rimashun nirka, paykunami sumakruraywan taripan nishpa hamutachirka. Sumakruraywan mana rurashpaka, taripayta mana rimanachu kanchik, wiñachichun, mushukta rurachun mana kishpiykayta sakishpaka”, ima taripaytak kanka.
Kamachiy killkak Francisco Hagó, Secretaría Nacional de Educación Superior, Ciencia, Tecnología e Innovación (Senescyt) kamaywasi, kay yuyayta pushanata charin nirka.
Kamachiy killkak Posso kay kamachiywan: Comisión Nacional de Ética, el Instituto Público de Investigación Científica sobre Biodiversidad, Banco Nacional de Recursos Genéticos kamaywasikuna wiñarinka nirka.
Kayka mutsurinmi Vintimilla kamachiy killkak rimarka. Kay Comité de Ética kawsayta rikuchun mañashkami kan nirka, llaktakuna yanapachun rikunka, yachayta pakalla charina, runakunata sumaychanata charin nishpa rikuchirka.
Shuktak rikuykunapi, Ximena Ponce kikin yuyaypi Mamallakta kachun mañarka. Chayka ñami kunan kamachiypi tiyan nirka, Código kamachiypika chaytami allichin. Allpapachapi tiyak Mamallaktakuna kikin yuyay paktachunmi rikun, rimashpa shayarirka. Kay Internet llikarishpa llankachun nirka, tukuy ayllullaktapak kachun, mana Hatun Yachana wasipaklla kachun rimarka.
Kay kamachiyka hatun kamachikkunapak yuyaytami yanapan, runakuna tukurik yuyaymanta, runakuna mana tukurik zuyu yuyayta charichun munan, mana tukurik amawta ñanmi kan nirka.
Chaypak hatun yanachana kamachiyta arinishpa churarka, yachakukkuna yachachun kullkiwan yanaparka. Shuk watapillami achka taripayta kallarikta charishkanchik, shinami Francisco Hagó kamachiy killkak rimarka.
LM/pv/jc-kichwa
