Kay Movilidad kamachiyta kallari atinakuyta charinkapa Comisión de Soberanía y Relaciones Internacionales shuyan.
Shinami Dora Aguirre rimarka, payka minkashkata kipa pushakmi kan, kunan killa kay kamachiyta paktachinka, shamuk punchakuna killakashka pankata Mamallakta Tantanakuyman chayachinka, kay wata manarak tukurikpi kamachiy llukshichun nirka.
Sapan nikipi llaki tiyakpi allichishpa sakina, killkashka panka allichirishpa katin, mayhantak purik runa kakta rimashpami shina nirka, mayhantak tikramushka purik runa kan.
Kamachiy kimsa wata ñukanchik llaktamanta rishpa ista llaktapi kawsakkuna purik runakunaman tikran, tikramukkunapash shinallatak shutitami charin, paykuna ñukanchik llaktapi kawsankapami shamunkuna.
Chay runakuna: mañachishka kullkiman, yachayman, karashka wasiman yakurinka. Shinami tawkasami purik runakunaman hayñikunata, mañaykunata churashkanchik.
Ashtawankarin tikramushka yalli wakchakunamanmi shina rikuchishka kan, shukkutinllami wasita rurankapa karashka kullkiman yaykurinka, shina: mañachishka kullkiman, Ecuador llaktapi yachachun, kapukyachinkapa yanapashka kullkiman yaykurinka.
Kamachiy killkak Dora Aguirre, kay Movilidad kamachiyka yallitami ista llaktakunapi riksichishka kan, kay ñukanchik llaktapak tawka llaktakunapipash riksichishkami kan. Chaypi purik runakuna, tikramushkakuna, Mamallaktapak kamaywasikuna, markamanta kamaywasikuna, chaypi karka.
MG/pv/jc-kichwa
