Mamallakta Tantanakuyta pushak, Gabriela Rivadeneira, Azuay llaktapak Girón, Gualaceo kitikunamanta shamuk makirurak tantaripak rimashkata uyarka, chaypimi paykunapak mutsuyta riksichirka, Defensa del Artesano kamachiyka, tukuy Mamallaktamanta 800 ayllukunapak makipimi kan, tukuy llaktakunapimi imashina kamachiy killkarishkata riksichikun.
Pushakkunaka “paktapakta llankayta, yanapayta charina nirka, ñawpa ashalla llankaykuna, kunanka achka mashnaytami charin”. “ wakchayaymanta llukshinkapa uchilla, paktalla llankaywasikunata yanapanamim Mamallakta Tantanakuyta pushak rimarka, kay Artesano kamachiy paykunatami kamanata charin, chaymanta ñukanchikpimi iñina kanchik nirka”.
Chay Gualaceo llakta achka makiruraykunata charin nirka, chay llaktapika: macana pillurinata ruran, sarun wata Patrimonio Inmaterial del Ecuador shutiwan riksishka kan, kay kitipika 150 macana awakkunata tantachin.
Kay kitimanta tawka runakunami Perú llaktamanta mikuna yaykurishpa, ñukanchik kapukkuna, imashinami: ñuñu, ruru, kiwakuna katuna harkarikpimi llakirishkata rikuchirka.
Chay llaki hawa, Gabriela Rivadeneira, Mamallaktapak saywakunapi ama yaykurichun sinchi harkakuna tiyan nishpa rimarka, unkuykuna, llancha kurukuna ama yaykumuchun harkanka, chay unkuykunami Mamallaktapi tarpuykunata wakllichin, wiwakunamanta shamuk kapukkunatapsh llakichin nirka.
JC- kichwa
