Markapi rimashka Agrobiodiversidad kamachiy, Latacunga llaktapi runakuna mancharishka chaskirka.
Chaypimi ñawpa muyuta ashtawan tarpuna, illushka muyuta tarpuna hawa yachana, parkuna yaku hawa yachana, allpamanta achka kullkita kushka hawa Cotopaxi markamanta, Mamallakta puna suyu chawpimanta runakuna achkata rimarka.
Mama María Olga Pilalumbo, Asociación Sumak Kawsay de Mujeres Centro La Cocha tantarita pushak, pakllapi kawsak runakunaman chayamuchun mañaymashkayta rurarka, yaku tarpuykunaman chayashpami alli murukuna pukushpa achka mikuna runakuman tiyanka. Illushka muyukuna paykuman chayachunpash rimarka, imashina tarpunata yachachichun, sumak ruraywan yanapachun rimarka.
Mama María Choloquinga pakllapi kawsak runakunata, yana runakunata, yunka runakunata, hatun katuna pampapi waktayta charishkamanta, manyayachishkamanta, tsiknishkamanta achkata ñakarishun nishpa kayarka.
Rantikkuna, chanita churan, munaytapash churan nirka. Ñukanchik pakllapi llankashkamanta ashalla kullkita hapinchik, muyuta rantishpa, allpata yapushapa, llankashpa, hampita rantishpa achka kullkita shitanchik nirka.
Tayta Julio César Hidalgo, Trabajadores Autónomos de la parroquia Zumbahua pushak, allpakunata kamachiywan patrimonio familiar shutipi charin, kaymi shukpaklla allpata shutichishkata charin, tarpunkapa, wiwata wiñachinkapa kullkita mashkanata harkan, kay llakikunata allichichun, allpamanta churashka kullkita anchuchichun mañarka.
Tayta Marcelo Panchi, Unidad Educativa Simón Rodríguez yachana wasimanta, ñawpa muyukuna charina yuyayta yanaparka, illushka muyukunata imashina tarpunamanta yachana hawa rimarka, imashina chakrakunata hampinata yachana, tarpuna allpata ama wakllichichun wanukunata churana hawa, alli muyukunata charina nirka.
MG/pv/jc-kichwa
