Kunan tutamanta manarak, Agrobiodiversidad, Semillas y Fomento Agroecológico kamachiy hawa, Audiencia Provincial Pública rimanakuy kallarikpi, runakunapak yuyayta tantarka, mushuk kamachiypak wakin nikikuna amsalla kakta achikyachirka.
Chay Cotopaxi, Tungurahua, Santa Elena, Guayas, Los Ríos markakunapipash, Chimborazo markapi shinallatakmi rimankurka. “ Kay markapimi tarpushka muyukuna hawa achkata yanapan, chay rimanakuymi kay mushuk kamachiy alli killkarichun hatun yanapay tukun, pakllapak mutsuripak kimirishkami kan”, shinami kay kamachiyta killkak, Soberanía Alimentaria minkashkata kipapushak, Mauricio Proaño rimarka.
“Llakta ushay katikuymi kan, tawka tantarikunami, kay illushka muyu, alli muyukuna tiyachunmi achka rimarkunata charin, tukuykunami kipa wataman pakllapi alli muyukunata charina munanchik”, Proaño rimarka.
Achka runakunata kayay
Kamachiy killkak, Rosa Elvira Muñoz, Chimborazo llaktaman achka runakuna shamuchun, yuyarinakushpa kayashkami kan nirka, shinami: Ministerio de Agricultura Ganadería, Acuacultura y Pesca, Secretaría del Agua, Secretaría de Tierras, Movimiento Indígena de Chimborazo, muyupak llankakwan waykarishpa runakunata kayashka kan.
Kay markapi runakuna, pakllapi kawsakkuna tantarishka kan. Tarpuymanta yachakukkunapash kaypimi karka, warmi kamachiy killkakpak yuyaypika tukuykunata yaykuchinami alli kan”.
Tarpuykunapak yuyayka muyuta rantinkapa imashina kullkita mañanami kan. Kamachiy killkak Mauricio Proaño, kamachiypi sapasi llankaywasikunata wiñachina killkarinka nirka, chaywan kullkita mañana nirka.
“Muyukunapak chanita charina allimi kan nirka, mashna kullkita churashkata tikrachimuna, wawakullki shamuchun. Ecuador llaktapika, 50% muyukunami ñawpa muyukuna kan, ama unkuchun hampinami kan, mirachinkapa shuk ñanta wiñachina”, rimashpa tukuchirka.
Mc/pv/jc-kichwa
