Kamachiy killkak Ximena Peña, Estados Unidos y Canadá llaktakunawan llankak, chaymanta purikkunata mushuk yanapay tiyachun mushuk ñakari kallarin. Chay EEUU, TPS hawa Mamallakta Pushak mañashka mana nikpi shina kallarirka, chay mañaytami purik runakuna shuyakurka.
Chinchasuyu llaktapak pushak rimashka, kay TPS pankata kukpi, Ecuador llaktamanta ista llaktapi waranka runakunami kushilla kanka, paypak kawsaypi pankalla kashkakaman.
Ista kamachikkunami ista llaktakunawan kimirina yuyarikunata killkana karka, paykuna paktachina karka. Shinapash, kay willay tiyakpi, rikuchinaka achkakunami kan, shinami Ximena Peña rimarka.
Ecuador llaktamanta aylllullaktakuna sinchita llankakta riksinami kan, shinami kikinpak charishkuna kachun sakina kan, TPS, llakta kamachikkkunawan, tantarishka pushakkuna, kuyurishpa rikuchinka, ayllullakta kamachikkunwan, mama tantarikunawan purik runakunata alli yanapayta pushanka, shinami warmi kamachiy killkak rimarka.
Kay Ecuador llaktapak kamachiy killkakkuna alli llankayta rurashkatapash rimarka, kay TPS pankata kamachiywan paktachinka, mañayta rurashkamanta, llankayta katishkamanta yupaychan. Ista llaktapi purik runakuna allita kawsachunka Mamallaktapak llankaymi kan, shinami ñukanchik hatun kamachikkuna llankarka.
Tukuchinkapa, warmi kamachiy killkakka wakcha runakunamanta llankakkuna ama samarichun, tantarishpa llankayta rikuchichun nirka, llakikuna tiyakpipash rimanakushpa allichirina, sumaychana nirka, TPS hawa ñakarita tukuykuna yachanami tukushka, sapan ushaywan, sapan muskuywan kawsay kanka.
JC-kichwa
