Kay Agrobiodiversidad, Semillas kamachiyta chay Tulcán llaktaṕi, Carchi markapi, Comisión de Soberanía Alimentaria minkashka runakunaman, llaktakunaman, tantarikunaman: muyu kamachiyta riksichin. Mushuk kamachiyka yanka muyukuna ñukanchikpak Mamallaktapi ama yaykurichun harkan, shinami Mamakamachiyka riman.
Llaktayukkunapak tantariman Asociación de Productores del Norte (APRONORC), Cabildo Pueblo Viejo, GAD de Tufiño, Corporación Sembrando un Futuro, Asociación de Cadenas Productivas de Penco y Cabuya, Policía, Consejo Nacional Electoral tantarikuna kaypi karka.
Kamachiy killkak César Umaginga allpa, muyu, yaku, muyukuna mikuykuna tiyarayachun yanapan nirka, kay nipakunawan yanapanka, ñawpa muyuta waranka watakunamanta charimunchik , chaypmi paklla warmi punchanta tarpumushka nirka.
Kamachiy killkak Mauricio Proaño, Comisión de Soberanía Alimentaria kipa pushak, tawka muyu sapikuna wakaychishka kana nirka, manarak allpakuna purunyashpa tukurikpi yurasapikuna manarak wañukpi hapina kan, chay kawsaykuna wañukpika kamay mikuna, awki mikuna chinkarikpi kay mushuk llankaykunata rurana nirka.
Llaktayukkuna rimashka
Kay Ana Bolaños, Comuna La Esperanza llaktamanta, kamachiy uchilla, pakta tarpukkuna yanapachun nirka, tarpuyta kullkiwan yanapachun mañan. Sumak Kawsayka uksi mikuywan kimirishkami kan, allpamamaka chaklli hampikunawan tarpushpami wakllichishka, chaymi tarpuna pampakunata tulluyan nirka, agroecología yachayta manyaman sakirin nirka.
Pay, Jaime Tulcanaza, Corporación Sembrando un Futuro tantarimanta shamuk, muyuta illunkapa uchilla kamachiykunata charina, wiñarinkapa katuna pampakunata, willaykunata charina nirka. Kay Carchi llaktapi maysumak kachun munanchik, imashina Bolívar markapi Salinerito llankaywasita shina charina ta mañanchik nirka.
MG/pv/jc-kichwa
