Chay Sucumbíos markapi kawsak ayllullaktakuna, llaktakuna chunkakutin Muyu kamachiyta atinakurka, chaywan alli kamachiy killkarinka. Katuna pampakunata katuna hawa pakllapi kawsak runakuna, uchilla llankakwasikunapash hatun tapuyta churarka.
Ñawpa muyuta wakaychina yachayta, makinchina hawa sumaychana; katuna pampakunapi chanita chapana; mana mintalakwan muyukuna kawsaypuraman katuna; Kawsak kullkata pushanka yachaypi Kunakkunata yachachun Mamallakta Yanapanka. Ñawpa yachaykunata, ruraykunata sumaychachun, chaypak ayllullakta tantarita yanapachun.
Kay Federación de Centros Shuar de Sucumbíos pushak, Domingo Kasent, muyu kamachiy tiyachun yanaparka, kay Sucumbíos markapi kawsaypura katuna tiyachun mañarka, chaypi tawkasami muyuta katunkapa nirka.
Pay Freddy Moreno, Red Amazónica por la Vida tantarimanta, muyukuna ñawpa pachamanta kawsamuk runakunapak kashkata riksichun nirka, shinallaktak chay muyukuna llaktakunata, tukuysami runata yanapak kakta riksichun nirka. Kay yuyaykuna kuntinsuyumanta, punasuyumanta paklla runakunapak mañaymi kan.
Shinallatak Siona llaktata pushak, Juan Gigo Curo, runallaktakunapak kawsayta sumaychachun mañarka; ñawpa muyukunata amawta taripayta ama rurachun nirka, paykunallatak amawta runakunata charinchik, paykunami pachamamanta amawta yachayta riksin nirka.
Pay Ramiro Vela kamachiy killkak, Comisión de Soberanía Alimentaria minkashka ukupi llankak, muyuta kamankapa, ukllankapa llaktayukuna munakta rikushpa, payka makita waktarka, biodiversidad muyukuna suyupi, Mamallaktapi tiyakta; Ecuador llaktapi kawak runakunaman chuya mikunata tiyachun. Mamallakta kay tarpuy yachaykunata mirachichun nirka; ñukanchikpak wiwakunata kamana, awki mikuna, achka uksi mikuna tiyachun rimarka.
RSA/pv/jc-kichwa
