Kulka 24 puncha, sasi killa, 09:30 sayllata, kamachiy killkakkuna 418 yupay tantarita charinka, kay Notarial kamachiyta ishkaykutin atinakunka, llankay wasikuna pachamamapak kawsayta shuwashpa katunanata harkankapa shuk yuyarita arininkapa tantariman Mamallakta Tantanakuyta pushak, Gabriela Rivadeneira kayarka.
Kay mushuk kamachiyka Notarial kamachiypak 18 nikita allichin, chayka killka kamakkuna paypak apuyta, ushaytami rikuchunmi riman. Mana sawarishpa kari warmi tantarishpalla kawsaktami riman.
Kunanpi tiyak kamachiypi sawarishkallami rakirinata ushan, ishkantin yuyarishpa, mana wawata charishpami rakirinka. Shukniki llakitapash shinallatakmi shina rurana kan. Kaytami Marisol Peñafiel tukuykunaman achiklla sakirka, kay katikuyta Registro Civil kamaywasipash ruranka, Gestión de Identidad kamachiyta paktachinka.
Kay llakikunata allichinkapa pachata ashayachina, kunanka 60 punchami kan, chaymanta ama 10 punchata yallichun riman. Shinami Marisol Peñafiel kamachiy killkak riman, “plazo” shimita rimachun mañan, 10 punchalla katikuy kachun kachun riman, alli kachun, utkachun, ashlla kullki kachun mañan. Kay rakirinakunata Miguel Moreta shuk kamachiyta yachak yanapachun riman.
Pachamamata shuway
Kamachiy killkakkuna allita rikurka, kay Biopiratería, Patentamiento kamchiy hawa rimanka, kay Patrimonio Natural y Biológico del Ecuador hawa rimanka, kay mushuk kamachiyka Ximena Ponce León churashkami kan, payka Comisión de Educación ukupimi llankan.
Kay mushuk yuyayka apya-yala suyupi willana, yachachina yuyaymi kan, kay llankayta Secretaría Nacional de Educación Superior, Instituto Ecuatoriano de la Propiedad Intelectual kamaywasi, shinami patrimonio biológico y genético rakirishkakunapash, Ecuador llaktapak yachaykuna, mana rikurikkuna, yachaykuna, ñawpa yachaykuna, patentamiento ruraywan llakichishka kan.
Kayka kamaywasi ukumanta, ista yuyarikunamanta, Comunidad Andina de Naciones kamachiymanta kanchaman kan, Mamallaktakunapak kamachiymanta mana rikurik, rikurik tiyakkunata hapinkapa pakalla rurashkami rikurin.
RSA/pv/jc-kichwa
