Mushuk Movilidad Humana kamachiy kallari atinakuyta Mamallakta Tantanakuypi yallirka. Kay mushuk kamachiyka purik, tikramushka runaman, ñanpi kak runaman, pushakushka runaman, shuwashka runaman hayñita, mañayta, ukllana ñanta churan. Ista llaktakunapipash purik runakunata kaman, tikramuk llukshik runakunaman paktapakta hayñita kun.
Manarak kay atinakuyta rurashpa, chay Red Nacional de Migrantes Retornados tantaripak pushakkunata chaskirka; Plataforma de Personas en Movilidad Humana pushakta chaskirka; purik runakunata yachaktapash chaskirka, paykunami kay mushuk kamachiyta yanaparka. Paykunaman kay kamachiyka hatun paktaymi kan, kay allpapachapi tiyak Mamallaktakunatami yachachinka.
Ecuador llaktamanta ista llaktapi
Kay mushuk kamachiyta rikukpika, ñukanchik llaktapi imashinami hayñikuna tiyan shinallatakmi yanaparishka kanka, kamachikpak chikan chikan patapi tiyak hayñikunatami hapinka. Paykunaman Mamallaktami kanchamanta kullkita, ima tiyakta kachachunpash shuk ñanta ruranka, ista wasikunamanta yanapayta chaskinka, paykunami achkata yanapanata charin.
Tikramushka
Ista llaktamanta tikramushka runakunaman kullkiman, tantarikunaman, ista llaktapi yachashkata chaskinkakuna, yachayman yaykuchinka, yachachinka, chay llankaypillatak churanaka, kullki llikata, llankaypi payayashka kullki hapinka.
Kullasuyupi llaktayukkuna
Kay kullasuyupi llaktayukkunaka Ecuador llaktaman yaykurinata, purinata ushan, kay llaktamanta llukshinatapash ushanmi, paykunaka panka kikin pankatallami charina kan, purik runata harkakman chayana kan.
Pakakushka
Pakakukushka, shitashka, Mamallaktata mana charik runakunaman ista llakta ukllaypak kamachiypi shuk wanruri tiyan. Mana tsiknishpa paktapakta kuyashka kachun, hayñitapash charichun. Paypak llakta mana yanapakpi, shuktak llaktaman yachankapa, llankankapa shamuta charin.
RSA/jc-kcihwa
