Tarpuyta kamana, muyuta rantinkapa kullkita mañachina, tarpuna allpakuna tulluyashkata allichina, imashina harka, illushka muyukunata charina, kunan tutamanta kay Agrobiodiversidad y Semillas kamachiy yanapanka nishpa rimarka, Cañar markapi, Azogues kitipi shina willarka.
Kay markapika llakimi tiyan murukunata tarpuna rayku, ranti kiwakunata tarpurka, Chay Perú llaktapak papa, manzana, uva, cebolla, ajo murukuna katuna pampata killpan.
Kullkimanta
Kay Isidoro Pichasaca, Cañari runa, tarpuyta kamankapa, muyuta rantinkapa kullkita maña. Mauricio Proaño kamachiy killkak Comisión de Soberanía Alimentaria minkashkata pushak, sarun 2012 watamanta mana kullki mañachina tiyarkachu nirka, kay mushuk kamachiypimi muyuta rantina, tarpuyta kamana kullki tiyarinka
“Muyuta rantinkapa, tarpuyta kamankapa kullkiwan yanapanka. Shillatak yalli usia tiyakpi, yaku huntakpi, unkuy hapikpi llakikuna rikurikpi harkankapa kamachiypi tiyarinka, mashna kullkita charishkamanta wawa kullki wiñarishka paktachinka, wawa kukipash achkata wiñarinka”, nishpa rimarka..
MC/pv/jc-kichwa
