Kay Frente Parlamentario Ecuador sin Hambre pushakkuna, chay Conferencia Plurinacional e Intercultural de Soberanía Alimentaria del Ecuador (COPISA) tantari pushakkunata chaskin, paykuna Muyu kamachiy hawa wakin yuyakunata rikuchirka, shinallatak Frente, Armando Aguilar pushakpash rikuchirka, mushuk kamachiypak nikikunaka Mamakamachiypak nikikunawan kimirin, kay PAIS llaktay tantari rimashkawanmi kimirin. Awaki punchami Soberanía Alimentaria minkashkaman chayachinka.
Kay COPISA tantarita pushak, José Buñay allita rimarka, kay wankurimi soberanía alimentaria hawa atinakunkapa ñanta paskan, kamachiymi ucsi mikunata purichinka maymutsurik kan, imashina runa kawsayta sinchiyachin nirka.
Kay mushuk kamachiyta killkakunaka yachaykunata, hatun tantarikunata rurarka. Chikan chikan tantarikuna, kamaywasikuna yanapayta chayachirka. Ayllullaktamanta, llaktamanta shamuk runakuna mushuk yuyaykunata churarka, paykunaka: uchilla tarpukkuna, kapukyachikkuna, wakra wiñachikkuna alli yuyayta churarka.
Ñawpa pachamanta shamuk muyukuna allpapachapi kawsak runakunata yanapashka; kay agricultura orgánica, agroecología tarpuykunata mirachina, kullkiwan yanapana; ñawpa muyukunata, pakllapi tiyak muyukunata tarpuchina, shina awki mikunata, alli mikunata charina; ñawpa muyukunata, pakllamanta shamuk muyukunata kishpirishka apachun yanapana.
Ñawpa muyukunata ukllana; Mamakamachiy rimashkata katishpa Ecuador llaktapi transgénicos muyukunata ama tarpuchun harkana; ñawpa myukuna maypi tiyakta taripana, pakllapi kawsak runakunapak yachayta riksina, kaykunami COPISA tantaripak hatun mañaykuna kan.
Shinallatak, María Augusta Calle pakllapi kawsak tantarikuna punchanta muyukuna hawa chapachun yuyachirka, Mamallakta Tantanakuy mushuk kamachiyta imashina arinishkata paktachichichun mañarka.
Kay rimanakuyman: Armando Aguilar kamachiy killkak, Frente Parlamentario Ecuador sin Hambre tantarita pushak kashpa shamurka; María Augusta Calle, Virgilio Hernández, Pamela Falconí, Dora Aguirre, Mary Verduga, Betty Jerez, Paulina Padrón, Hólger Chávez llankak kamachiy killkakkuna chayamurka.
LILA/pv/jc-kichwa
