Kay Comisión de Fiscalización kay sasi killa, chilla, 30 punchata chaskinkapa ishkay pachapi rakirka, chaypimi Mamallaktapak chusku hatun kamachikkuna rikurinka, chaypimi paykunata tapushpa Papeles de Panamá llakita taripanka.
Tutamanta 10:00 sayllata, chapak kamachikkuna chayanka, chishiman 15:30 sayllata, taripaykunata ruranka, shinami, María José Carrión, minkashkata pushak rimarka.
Warmi kamachiy killkak “charina, imashina rimakta hamutana, kimirinakuchina (kay kamaywasikuna) taripay yuyaykuna”. Chaymanta kllari tantarimanka contralor general del Estado, Carlos Pólit Faggioni kamachikta; superintendente de Bancos, Christian Cruz Rodríguez kamachikta; Servicio de Rentas Internas, Leonardo Orlando Arteaga kamachikta kayarka. Kipaman fiscal general del Estado, Galo Chiriboga Zambrano kamachik chayanka.
Kay Consejo de Administración Legislativa (CAL) rimashkata Carrión achikyachirka, paymi Comisión de Fiscalización kamachikkunami Comisión de Justicia kamachikkuna taripashkata ashtawan ukuman riksishpa katichun nirka, paykuna off shore llankakwasita allita riksinka.
Chay llankak wasika Ecuador llaktamantan charikkuna wiñashka (Papeles de Panamá) shutrita charin, manarak killa kayakpi rikurirka, chaypimi rimanakuna patakunaman chayarka, kamachikkuna mana pachata charishkamanta, asha unkushka pashpami mana llankayta tukuchishka. Kunanmi pay chayamuchun paktashkanchik.
Paktana yuyayka, kunankama taripashka yuyayta surkunami kan, shuktak willaykunaka tukuylla riksishkami kan, imashinami Fiscalía rimashka. Shuktak kamaywasikuna rimashkakunata chimpapurankapa, paykunata willachun mañakrinchik, mutsurikpika llaktay wanachiyta rurakrinchik, nirka.
LILA/jc-kichwa
