Kay Código de Ambiente kamachiyta manarak ishkaykutin atinakushpa pachamama hawa yachakwan rimankushpa, Mamallakta Tantanakuy Confederación de Nacionalidades Indígenas de la Amazonía Ecuatoriana (CONFENIAE) tantari, Promotores Ambientalistas tantari, Colectivo Ecuador “Tradiciones y Cultura tantari”, Coordinación de Juventudes Ambientalistas (RENAJU) tanatri, ambientalista y ecologista tantariwan rimanakurka.
Chaypimi kamachiy alli kakta riksichirka, kay kamachiy ñami llaktakunapi riksichishka kan nishpa, shuktak kamachiywan arinina ukupimi kan nishpa, llaktakunata tapushpa yuyaykunata tantashka kan nishpa arinichun mañarka. Pachamamapak, tawkasami kawsaypak hayñita kamachun, sumak kawsay tiyachun nirka.
Pay Albeiro Mendua, Sucumbíos llaktamanta runa, COFENAIE tantaripak kipapushak, Mamakamachiypi, ista kamachiykunapi tiyak, tiyak sapsi hayñita hapishpa pachamamapak hayñita charirayana nirka, kay kamachiy ñawpa yachaykunata kaman. Sapsipak, ayllullaktapak, llaktapak yachaykunata chanin. Sachapi kawsak runakuna yachashkata, sapan kamachikpak llankaykunata riksin.
Tukuchinkapa, Inti Alvarado, Abogada kamachik, pachamama hawa kaparikkuna, kimsa patsak wata runakuna katuna ama tiyachun kaparik karka, wiwakuna ama ukuman rikushka kachun ñakarik karka, paykuna chikanlla kachun mañarka, wiwakuna runakunapak ñawipi alli rikurichun mañarka, shina tukuy allpapachapi tiyak sumak kawasayta charichun mañarka.
JLVN/pv/jc-kcihwa
