Mamallakta Tantanakuy kunan chishi, tutapash IV Jornada Cultural Sueños y Utopías kushikuyta tantachirka, llaktayukkuna Mamallakta Tantanakuy llankashkata riksichin, shina runakuna shamuchun, kaypi kachun kayarka.
Kay shina tantarita Quito, Guayaquil, Cuenca llaktakunapi chay punchallatak pusharka, chaypimi yachachinawasikuna, tantarikuna, kamachiy killkakkuna karka. Kunan watapi 13 kamachiy arinishkata riksichirka.
Mamallakta Tantanakuyta pushak, Gabriela Rivadeneira, tantarikuna, raymikuna, kushiyarikunapsh llankayta riksinkapa, yachankapa allimi kan nirka. Kay kamaywasi runakuna shamuchun punkuta paskashpa katichun, llaktayukkuna mañachun nirka.
"Pakta runakuna ashtawanakarin paykunapak makipi charin nirka, paykuna: kapchita, kawsaytarpuyta, amawtata, sumak rurayta rikuchichun. Munashka pachakunata tantarishun. Hatun paktaywan, ruraywan kunan wata wichkakunchik", nirka.
Ecuador llaktata mushukyachik Kamachiykuna
Kay tantaripi Mamallakta Tantanakuy, kunan wata Mamallaktaman charichishka kamachiykunata riksichirka. Kallaripika Gestión de Identidad kamachuy karka. Kay kamachiy kikinkayta, runakuna imashina kawsakta riksichik kan. Kikinkayta kaman. Willayta kikin charina. Kipa kamukiputa anchuchin. Kikinkayta charichun hawalla yanapan. Tayta, mama ishkantin yuyarishpa churipak, ushushipak shutikunata rantinchinata yanapan.
Shuktak kamachiyka, Allpa Kamachiyta arinishka kan, kay kamachiy awki mikunata mirachin, kayta kaman. Allpa runakunata yanapan, pachamamata kaman, pachamamata mana wakllichishpalla murukunata pukuchichun. Allpata mana charik pakllapi kawsak runakuna, tarpuna allpaman charichun hatun shitashka allpata pakta pakta rakichun yanapan. Murukunata pukuchichun kullkita mañana, kullkiwan yanapan.
Yapa, Prevención, Detección y Erradicación del Delito de Lavado de Activos y del Financiamiento de Delitos Hatun kamachiyta; kay Evitar la Elusión del Impuesto a la Renta sobre Ingresos Provenientes de Herencias, Legados y Donaciones kamachiyta; kay Reformatoria al Código Orgánico de Organización Territorial Hatun kamachiyta; Incentivos Tributarios para Varios Sectores Productivos Hatun kamachiyta; tukuripi Código Ingenios kamachiyta arinishka.
LILA/pv/jc-kichwa
