Pachamamata yachak 600 tantarishka runakuna; Cayambe, Quito, Manabí, Guayas, Imbabura, Morona Santiago llaktamanta; chagras de Imbabura runakuna; Montuvios de Manabí, Guayas, Los Ríos llaktyamta shamuk runakunapak ñawpakpi, ishkaykutin Código de Ambiente kamachita atinakurka. Kay kutinka, chirikunuk hawa rikuk IV kamuta rimarka.
Kamachiy killkakkuna mana Ecuador llaktapilla kay llaki tiyakta rikuna kanchik nirka, allpapachapi llaki tiyaktami rikuna kanchik nirka.
Kay Código de Ambiente kamachiypi chiri kunukpak llakita yaykuchina nirka, shina tamyachik wasikunata, yurakuna kuchuyta, wayrata mapayachinata harkanata yanapanka nirka , Hatun kamachikkuna, kikinllatak karupi kamachikkuna, llaktayukkunapash rikunata charinmi nirka.
Kay kushnikunata ashayachinkapa llankak wasikunawan rimana Betty Carrillo nirka. Kay llakikunata llankak wasi, chaypi llankak runakunapash huchata aparina nirka. Kay FAO rimashkata hapishpa, 1.300 hunu hatun pukcha alli mikunakuna shitashka kakta riksichirka; allpapachapi 843 hunu runakunami yarikaywan wañun nirka.
Warmi kamachiy killkak, Pamela Falconí chirikunuk wakllirinata mana shayachishpaka alli tarpuyta mana charishunchu nirka, runakuna alli kawsayta mana charishunchu nirka. Unipak pachamamata charinaka may mutsurikmi kan, pachamamapak llikata hapishpa alli pata kawsayta charina kan, mashnata wakaychinatapsh rikuna kanka.
JLVN/pv/jc-kichwa
