Mamallakta Tantanakuypak llankayta rikushpaka, kay watakunapi arinishka kamachiykunata, manarak kamachiyta arinishpa tapushkata Gabriela Rivadeneira rimarka nin, llaktayukkunapak, kamachikkunapak yuyayta llaktaman chayashpa chaskishka.
Wiñaykawsay shukkutinpi, Mamallaktami imashina llankaykuna katimushka rikun, 2013 watapi llaktayukkunaman chayachanata arinishka 87% patsakriman paktashkata riksichin. Manarak kay mita llankay 100% patsakrimi kanka.
Mamallakta pushak Rivadeneira, “Contigo de Ley” rimaypi rikuchirka, kay wanra punchami shina rimarka, mayhan kamachiypash llaktayukkuna yuyayta churashka mana arinishkachu kan, hayñikunata sumaychan, hayñikunata paktachin.
Kay kamachiyka pichka hatun yuyaykunatami charin: género, intercultural, inter generacional, discapacidad y movilidad humana yuyaykunami kan. Kay yuyaykunaka tawka kamachiykunapimi yaykurishka kan, shuk kamachiyka Consejos de Igualdad kamachiyta arinishka, nirka.
Mamallakta Tantanakuypi arinishka kamachiykunaka llaktayukkunaman manu washayashkata tikrachichunmi yanapan, paykunapak hayñita tawka llankay ukupi charishkata tikrachinka.
Runakunata Mamallakta Tantanakuypak llankayman yaykuchinka, 42% patsakri warmikunana yaykurishkatami rikuchin, yalllik watakunapika 6% patsakrimi karka. Shinami tawka kamachiykuna hayñiwan llaktaman paktana yuyayta yanapan.
JS/KZ/dp/jc-kichwa
