"Kay Movilidad Humana kamachiy, Ecuador llaktamanta purik runakunapak tukuykunapak hayñita, ista llaktamanta kay llaktapi purik runakunapak hayñita riksin", shinami Comisión de Relaciones Internacionales, María Augusta Calle pushak rimarka, Mamallakta Tantankuypi ishkayniki atinakuypi rimashpa shina nirka.
mayhan runapash purik kashkamanta mana tsiknishka kankachu nirka. Tantarikuna, kamachiy killkakkuna, kamaywasikuna shuk kamachiyta charinkapa makita kuna kanchik, shinami kamachiy killkak rimarka.
"Kay Mamallaktapi Mamakamachiy rimashkata sumaychan, tukuy kuskakunapi, runakunapak sumaykay tiyanka; apya-yalaman kasikaywan, yanapaywan allpapachapi tiyak runakuna yaykurishka kachun, ", nishpa rimayta tukuchirka.
Kamachiy killkak María Augusta Calle Ecuador llaktamanta ista llaktapi kawsak runakunata yanapankapami kan, chayka runapak hayñita rikisinkapa, sumaychankapami kan nirka, llaktayman, yachaypak kullkita hapinkapa, karupi yachankapa, kikinlla willayta hapinkapa, wañushkata apapunkapa, chinkashka runata mashkankapa yanapanka.
Kay kamachiyka shuk nikimi imashina runakunawan aparinata, mana kamachiywan runakunata purichinata riman. Kay llakirishka runakunaka runapak ista hayñi yanapay ukllaytami hapinka. Apya-yalapi kawsak runakunata ashtawankarin achkata yanapanka. "Ecuador llaktapi shina kamachiyta charinapika kallari Mamallaktami kan, shinami kullasuyu llaktakunata sinchiyachin ," nishka willarka.
LILA/pv/jc-kichwa
