Kay tukuri punchakunapi shuyashka kamachiy Mamallakta Tantanakuy arinirka, chayka Movilidad Humana Hatun kamachiymi kan. Tayta Jorge Glas samarinaman llukshichun arinirka, shinallatak Código Administrativo kamachiyta atinakuy kallarirka.
Minkashkakunapi Código de la Salud, Circunscripción Territorial Amazónica kamachiykunata rimankapa arnirkakuna. Kay Fiscalización, chay Fiscal General hatun kamchikta, Embajador de Ecuador en Estados Unidos ista kamachikta chaskirka, paykuna Odebrecht llankaywasi llakita rikuchirka.
Mamallakta Tantanakuypi llankak, tukuy kamachiy killkakkuna Movilidad Humana kamachiyta arinirka. Kay kamachiywan purik runakunata riksirka, Ecuador llaktapi kawsak runakuna, ista llaktapi kawsak runakuna, riksinkapa ñukanchik Mamallaktaman shamukkunapash paykunapak hayñita kamak kamachiytami charin.
Chaymanta Movilidad Humana Hatun kamachiyta arinirka. Kamachiy killkakkuna ukllarishpa, wiñaykawsay kakpi kushiyaywan kay kamachiymanta kushiyarirka. Hawa hatun ukupi tikramushka purik runakuna kushikuywan Mamallakta Tantanakuyta yupaycharka. Kay kamachiyta kallaripimi arinirka.
Shinallatak Código Administrativo kamachiyta rimankapa kallarirka. Kay kamachiyka kamaywasiwan, tukuylla llankakkunawan kimirisihpa llankachun yanapanka. Tukuylla kamaywasikuna shuklla yuyaypi llankachunmi rikuchin, kay kimirinakuypi llaktayukkunapak hayñikunata, ruraykunata hapin.
Tayta Jorge Glas, Mamallakta Kipapushak mañashkata arinirka, payka samarinkapa pachata mañarka, chay punchakuna akllarinkapa llaktakuman llukshinaka, kullakilla ,4 punchamanta, panchi killakama 20 punchajkama samarinka. Pay shinalllatak, shuktak kamachiy killkakunapash, 19 puncha panchi killkapi akllarinkapa llukshirka. Kay shinallatak 12 kamachiy killkakkuna samarinkapa llukshirka, imashinami, Gabriela Rivadeneira, Mamallakta Tantanakuyta pushak shinarka.
LILA/pv/jc-kichwa
