Kay Comisión de Biodiversidad atisuyupak Sucumbíos, Orellana, Napo, Zamora Chinchipe, Morona Santiago, Pastaza markakunaman chayanka, chaypimi Circunscripción Territorial Especial Amazónica kamachiyta rimanakunka.
Sapan markapimi tantarikuna, kulki hawa, kawsaytarpuy, pachamama rimana patakukuna tiyanka. Kay kamachiypak kallari atinakuyta charinkapami kanka.
Kulla killapak 12 puncha, kamachiy killkakkakuna Sucumbíos llaktaman chayanka. Rimanakuyka Auditorio Principal del Centro de Atención Ciudadana ukupi kanka, chay wasika Circunvalación y Monseñor Gonzalo López Marañón ñanpimi sakirin. Chay tantayariman kamachikkuna, chay kuskamanta ayllullaktakuna, runa tantarikuna, kari warmi pushakkuna, llaktayukkuna chaypi kanka.
Tantarika 08:30 saylla willay hillaykunawan rimashpa kallarinka. Chay katillatak kamachiyta riksichina paskarinka; chay kipa: tantarikuna, kulki hawa, kawsaytarpuy, pachamama rimana patakukuna tiyanka. Chaypi kak runakuna paykuna munashka yuyaykunata kamachiypi churanka.
Chay Óscar Ledesma patakupi rimashkakakunata tukuyman riksichina nirka. Churashka yuyaykuna, rimaykuna minkashkakuna llikanka, kullki llaki ayllukunapi kashka willayta rikisinka, chay antisuypak, Mamallaktapak alli kak rikurishka willayta kamachiyman riksichinka.
Mamakmachiypak 259 nikipi pachamamamanta ukllana, kamanata riman nirka, kikinllatak karupi kamachikkunapash shinallatakmi kamanka, mana pakta pakta wiñarikta allichinka, shina awkikay sinchiyanka nirka.
Mamakamachiypak 274 kikinllatak karupi llankak kamachikkunata rikisinn nirka. Shinallatak chay llaktakunapi pachamamapi tiyakkunata surkun, kapukyachin nirka, chaymanta Mamallakta asha kullkita chayachinka, shinallatak unipak llankayta wiñachinka, pachamama mana pakirishpalla paktapakta sarinka, pachamamata kamashpa tawkasami kawsaykuna tiyanka.
JLVN/pv/jc-kichwa
