Akllarinkapa willaykachayka Mamallaktapak llankayta mana shayachinchu. Shinami Mamakamachiy, Código de la Democracia kamachiyn rimashkata paktachin, kutintak akllarinata munakkunaka samarina pachata mañanata ushan.
“Mamallaktapak llankayta mana shayachinchu, samarina pachapash llankashpa katinkunami, kipa kamachiy killkakkuna llankashpa katin”, shinami Virgilio Hernández rimarka, kamachiy killkak kullkita mana hapishpa samarinata mañashkata rikushpami shina rimarka, samarinaman llukshik kamachiy killkakkuna, akllarinata ushanmi nirka.
Mamallakta Tantanakuyta pushak, Gabriela Rivadeneira kay ñanta katishpa samarinaman llukshirka; shinami Marcelo Solórzano kamachiy killkakshina llankakanka.
Payka kamachiy killkak tukushpami llankanka, kutin Rosana Alvarado Mamallakta Tantanakuyta kipapushakmi hatun Pushak tukurka, mama Rivadeneira samarinkakamami shina llankanka. Kay Consejo de Administración Legislativa (CAL) Kallari Rimayta charikmi mutsurikpika, Mamallakta Tantanakuypak rimanakuyta pushanka.
“Maymutsurik katikillami tiyan, kay mitapika Mamallakta Tantanakuypak llankay mana shayarinkachu, shina llankanatami Mamakamachiy kaman, chaymanta kipakamachiy killkakkuna, hatun kamachiy killkak tukushpa llankanka, shina Mamallakta Tantanakuy llankashpa katinka, tawka minkashkakunapash llankashpa katinka”, shinami Hernández rimarka.
MC/pv/jc-kichwa
