Kay 500 runakunawan rimanakuy kallarirka, chaypimi Circunscripción Territorial Especial Amazónica kamachiyta rikisichinka, chay Lago Agrio kiti, Sucumbíos markapimi sakirin, kay Comisión de Biodiversidad pushanka.
Kay rimanakuyman kiti, marka, shulka kamachikkuna shamurka; tantarita pushakkuna, warmi tantarikuna, makirurakkuna, yachachikkuna, tarpukkuna, Unión de Barrios tantarikuna, Baños kitimanta, Tungurahua markamanta, pukuchik tantarikuna, runakuna, paklla runakuna, achka llaktayukkuna chaypi karka.
“ Antisuyu kawsaymanta tantarishka”
Kamachiy killkak Óscar Ledesma, kay Comisión de Biodiversidad pushak, Antisuyu kawsaymanta tantarishka nirka "llaktaymanta mana llakita charichun; kamachiyka tukuy antisuyutami wiñachin, chayka Mamallaktamanta 46% patsakri tukun allpami kan", rimarka.
Kutin, kamachiy killkak Armando Aguilar, Consejo de Administración Legislativa (CAL) tantaripi rimayta charik, Mamallakta Tantanakuyka llaktapi kamachiyta riksichishpa llankanata, llaktayukwan rimarinata kamaywasiyachirka, kamachiyka: chapayta, rikunata, kullkita imashina tukuchinata, GAD achiklla llankanata rikuchirka.
Tuykuna paklla ama mapayachun mashkana
Pay Vinicio Vega, Lago Agrio kiti pushak, kay Sucumbíos, Orellana llaktakuna akllashka yanapayta charina kan nirka, punkarata surkushkamanta yalli mapayashka markakuna kan nirka, pachamama mapayashka kakpimi aycha ismuy unkuy hapishka "Kay llakimanta kishpiyrinkapa tukuykuna llankashun nirka", rimarka.
Shulka pushakman kullkikuna
Belisario Dahua, Consejo de Juntas Parroquiales y Rurales de Sucumbíos pushak, 12% patsakri kulllki wichiyachun nirka, shulka tantarita pushak, chay kullkikunaka tarpuypak, pakllapi kawsak runakunata, runakunata, uchilla paklla llankakkunata yalli yanapanka.
Riksina
Chay Luis Galarza, Cámara Provincial de Turismo pushak, kay rikisina kamachiyka kay kamachiypak rimayta yuyaypi charina nirka chay kullkiwan Mamallakta alli kachun llankana nirka.
Kaykunata rimashka kipa: cultural, ambiental, social y económica, rimaykunawan kallarirka, chaypi llaktayukkuna, tantarikuna churashka yuyaykunata, rimaykunata allichin, shinami kay Especial Amazónica kamachiy alli llukshinka nirka.
MG/pv/jc-kichwa
