Mamallakta Tantanakuy ruku runa llankakkunaman shuk kamachyta arinirka, paykuna rumi kutanapi llankashpami payayarkakuna.
Ashtawankarin kay Consejo Nacional de la Judicatura, 2016 watapi yanapankapa kallarishkata willarka. Kay llankayta minkashkapi, tawka yuyaykunata rimarka. Shuktak llankaykunatapash paktachirka.
Mamallakta Hunta Tantari
Mamallakta Tantanakuy kay Interpretativa al artículo 4 de la Ley de Jubilación Especial de los Trabajadores de la Industria del Cemento llankaywasipak ruku runa llankakkunaman shuk kamachyta arinirka.
Shinallatak, kay kamachiyka rumikuta llankakwasipi llankashpa payayashka runakuman sapan lutsun rumikutata katushkamanta patsakrik kullkita kuchun arinirka, chay kulliwan payashkamanta kullkita kunka. Kaytaka 180 punchapimi paktachita charin, chaymi Instituto Ecuatoriano de Seguridad Social kamaywasi kullkita tantanka.
Rumikuta wasita charik runakuman kay dólar kullki rikurimushkamanta chay llakinuna tiyashkata willarka, kamachiy ishkay patsakrita mana willarka ninkuna, washa watapika sucres karka, kamachiy killkakkuna kunanka dólar kullkimi Mamallaktapi muyukun nirka, kay kullkiwan kunanka yanapanka nirka.
Kay Judicatura, Gustavo Jalkh hatun kamachik, pay llankashkata rikuchinkapa Mamallakta Tantanakuyman chayarka. Kullkiwanllami paktakayta paktachinchik nirka, shinapash mana kullkiwanllachu allichina, chaniwan, kikin kaywanmi paktachinchik nirka. Kay kamaywasika 2 waranka 083 kishpiychikkunawan llankan nirka.
Ñukanchik Ecuador llakta 100 waranka runakumanta 12.6 kishpiychikkunata charin. Kay 2012 watapika 8.4 runakunata charin nishpa yuyachirka. Kay códigos Orgánico Integral Penal y General de Procesos kamachiyka paktakayta mushukyachinkapami achkata yanapan nirka.
Kay 2016 watapak, 31puncha, kapak killakama 78 waranka 390 huchakunata anchuchishka; 30 waranka, 996 huchakunata ñapash ashalla pachapi, kuchulla ñanta katishpa allishishka nirka.
Shinallatakl Código Orgánico General de Procesos kamachiyta 2016 wata, kapak killakama 31.631 churashka kamachiywan wanachishka, sapan huchakunatami chikanchikan pachakunapi allichishka nirka.
Mushuk llankaykuna
Chay Tungurahua markamanta, Betty Jerez kamachiy killkak, Transporte Terrestre, Tránsito y Seguridad Vial kamachiyta allichina nirka. Tukuyllapak purina, katuna kamachiyta allichina nirka, kay kamachiy mana allichishka pakllapi kawsak runakuna, llaktakuna, runallaktakuna achkata llakirin nirka. Tukuylla, katuy mitachi, katuy rimaypak yapa, paklla, sapsi rimayta yaykuchichun nirka.
LILA/pv/jc-kichwa
