Warmi kamachiy killkak, Betty Carrillo, Mamallakta Tantanakuy Anciano kamachiyta mushukyachina hawa riman.
(Registro Oficial kipupi13 puncha, wayru killa 2006 watapi killkachishka kan) yuyak runapak hayñita ukllan “ shutimanta kallarin, kunanpi llankak kamachiyka mana yanapanchu, paya llankaykunawan purin”, nishpa riksichirka.
Mushuk Adulto Mayor kamachiyka, yuyak runakunata shitachun, tsiknichun, manyayachichun, waktachun, llankachichun harkan.
Kamachiy killkak Carrillo nishkashina, runakunapak hayñita willana, hamutachichun, yaykuchichun, paktarakita rurachun achkatami yanapan.
Kay 65 yalli watata charik ruku runa, paya warmi may tantaripi, yachaypi, raymipi, shuktakkunapi kana hayñita chrin. Pay wañunkakama ima mutsurishkatapash hapinatami charin, shina pay yachashkata shuktak runakunaman yallichinata ushanka.
Imanikuna
Tukuri runa lanuypi, wasi lanuypika, chay Instituto Nacional de Estadísticas y Censos (INEC) pushashka karka, kay Ecuador llaktapika 1, 2 hunu runakunami yuyak runakuna kawsarka. Nishunlla, 6,50% patsakri runakunami kay tanariman kimirishka kan.
Kipukuna 2050 watapi 17% patsakriman chayanka. Yallimi punasuyupi kawsan (596 waranka 429 patsak), kuntinsuyupika (589 waranka 431 patsak kawan).
Kay Secretaría Nacional de Población y Vivienda rikuchishka, runakunapak kawsayka 75 watata charin, XX wata kallaripika, 40 watamanta, 45 watakama karka, shinallatak 2025 watakama 85 watata charinka, chayka runakuna yalli watata charin. Mamallakta yanapankapaka yalli kullkitami charina kan.
PAU/pv/jc-kichwa
