Mamallakta Tantanakuyta Shukniki pushak, Rosana Alvarado, Mamallakta Tantanakuyka tukuy katikillata paktachirka nishpa willarka, kamachiykunata llaktayukkuna yuyayta churashkawanmi killkarirka rirka.
Puncku paskashka Mamallakta Tantanakuytami charinchik nirka, llaktayukkunapak mushuk yuyaykuna kamachiyta killkankapa maymutsurikmi kan.
Llaktayukkuna paykunapak kawsaymanta alli yuyayta churan, mana ninpash, minkashkapak tantaripipash shinallatakmi atinakun. "mayhanpash shukpaklla munayman kimichishpa kamachiyta arinishkata mana rimankachu", nirka.
Mama Rosana Alvarado, Mamallakta Tantakuy llaktakunapi llankashkata riksichirka, kamachiyta riksichinkapa, manarak kamachiyta arinishpa tapunkapa llaktakunapi llankashkata rimarka. Shinami Circunscripción Territorial Especial Amazónica kamachiyta antisuyu sukta markapi atinakushka hawa shina nirka.
Mama Rosana Alvarado, hatun suyupak Mamallaktakunapi imashina kamachiyta killkakta chimpapurashpami shina rimarka, imashinami IVA kullkita Colombia llaktapi 19% patsakri kullkita hapin nirka. Ecuador llaktapika hatun llaki allpatuñirikpimi 12 patsakrimanta, 14%, patsakriman wichiyarka " kayka shuk watakamallami kanka, nirka.
Esmeraldas, Manabí markakunatami achkata llakichirka. Ñawpaman hatun kamachikkunaka shukpaklla munayta paktachichunmi kamachiykunata arinirka, imashina Código Monetario y Financiero kamachiyta arinirka, kay kamachiy kullkiyuk wasita nikin", nirka.
Shuktak rimaytaka, Mamallakta Tantanakuy shuktak kamachiykunata arinina sirin nirka , chayka Circunscripción Territorial Especial Amazónica, Código Administrativo, Código de Comercio kamachiykunami kan nirka.
JLVN/pv/jc-kichwa
