Kay Termómetro Ciudadano rimanakuy patakupi, Mamallaktapak willay hillaypi Diego Vintimilla kamachiy killkak rimarka, payka Azuay markamanta, Alianza PAIS tantarimanta akllarinkapa kan, Jéssica Jaramillo Yaguachi, Distrito Sur de Quito llaktamanta, Avanza tantarimanta kan, kamachiy killkak tukunkapa akllarinka.
Yachay willay ukupi, kunanka llaktayukkunapak yuyayta hapirka, shinallatak Mamallaktapak llankay ukupi kamachiy killkak tukunkapak akllarikpak rimayta chaskishka, paykunaka 19 puncha, panchi killami akllarinka, chay punchami Ecuador llaktapi kawsak runakuna paykunapak kamachikta akllanka.
Kay Secretaría Nacional de Educación Superior, Ciencia, Tecnología e Innovación kamaywasipak llaktayta rikuchirka, yachayta pushak kakta rikuchirka; chay Papeles de Panamá llakita harkana hawa riksichirka; kay Universidad Central del Ecuador mana shuk kuskapilla tiyachun, karuman rishpa yachachichun yuyayta kurka.
Kamachiywan mushuk llankaykuna
Kay Jéssica Jaramillo Yaguachi warmi, payka kunanmi akllarinkapa kakun, paypak llankayka Integral de Violencias kamachaiyta wiñachina kanka nishpa riksichin, kay kamachiy warmikuna, kari warmi wawakuna, imillakuna ama takashka kachun harkanka.
Chay Código Integral Penal kamachiyta allichina hawa rimarka, llakichishpa chichuchishka warmi wawata shullukpi mana wanachina kachun, kamachiy yanapachun rimarka.
Shinallatak, Segunda Oportunidadm kamachiyta, mushuk llankayta wiñachikkunaman churanka, kay tarpukkuna, pukuchikkuna llakita charishkaman achkata yanapanka. Kay kamachiywan central de riesgos kuskapi llakita charishkata anchuchinka, kullkita mañankapa yaykurinka, shina ñawpakman katinka Jaramillo kamachiy killkak rimarka.
PAU/pv/jc-kichwa
