Pay Monseñor Luis Alberto Luna Tobar wanra, 7 puncha, panchi killapi wañushkata yachakchayashpa Mamallakta Tantanakuy achkata llakirin, mama Gabriela Rivadeneira, Mamallakta Tantanakuyta pushak kay twitter llikata katishpa nanarita chayachirka ¡Hatun llaki! Luna Tobar Hatun Kushipata wañushka, wakchakunawan llankak iñikwasi rikurik chinkarin nirka.
Paymanta, Rosana Alvarado, Mamallakta Tantanakuypak shukniki Kipapushak: "Alli runakunapak manyapimi karkani nirka".
Wiñaykama Monseñor Luna, puka kushipata, kishpiychik iñikwasita ukllak. Shinallatak, Marcela Aguiñaga, Mamallakta Tantanakuypak ishkayniki Kipapushak: “ Monseñor Luna Tobar kasilla samaripay, sinchi kayta rikuchik, runapak paktakay tiyachun ñakarik. Ecuador llakta yanata churashka”.
Kay Luis Alberto Luna Tobar kushipata Teología de Liberación yuyaywan kimirishka karka, iñikwasi allpapachapi wakchakunawan kachun yuyayta charirka. Kay 1939 watapimi Ecuador llaktamanta Orden de los Carmelitas Descalzos churarinata chaskirka.
Kay 2011 watapi Mamallakta Tantanakuy Condecoración Vicente Rocafuerte kamarita chayachirka, pay Monseñor Alberto Luna Tobar sinchita wakcha runakunamanta llankashkamanta, runa kikin kayta ama chinkachichun ñakarishkamanta, runakunata yanapashkamantami kamarita kurka. Payka runapak hayñita ukllarka, Ecuador llaktapak wakcha runakunata ukllashpa yanaparka.
RSA/eg/jc-kichwa
