Kunan chilla puncha Mamallakta Tantanakuypak ñawpakpi, Defensor del Pueblo, Ramiro Rivadeneira kamachik llankayman yaykurinka, payka Consejo de Participación Ciudadana y Control Social akllamushkami kan, shina kay kamachik llankashpa katinka.
Kay Reglamento de Concurso de Oposición y Méritos para la Selección y Designación de la Primera Autoridad de la Defensoría del Pueblo kamachiypak 49 nikita katishpa, Consejo de Participación Ciudadana kamachikkuna, Defensor del Pueblo, a Ramiro Alfredo Rivadeneira Silva alli runa kakpi akllarka, payka 100 hawapi, 94.67 iñuman paktarka.
Mamallakta Minkashka, Mamakamachiypak 208 nikipak 1,11 yupayta paktachishpa, Mamallakta Tantanakuy paypak makipi charishkata, chay hatun kamachik imatalla llankanata, imatalla apunata churarka.
Shinami “llaktayukkuna chayachun, akllayta pushachun, llaktayukkunata yachachichun, shuwayta takachun” churan, shinallatak “ kay Defensoría del Pueblo, Defensoría Pública, Fiscalía General del Estado, Contraloría General del Estado hatun kamachikkunata, mishanakuchishpa akllashpa tiyachichun churan ”.
Kay consejo de Participación Ciudadana, 20 puncha, panchi killapi, kay Comisión Ciudadana de Selección minkashka tantari, Ramiro Rivadeneira Defensoría del Pueblo kamaywasipak hatun kamachik tukuchun arinishpa, mananishpa mishanakuchishpa rikuchirka, llankaypi tiyachichun chayachirka.
PV/jc-kichwa
